Israel ta tokolwa
1 Nale shampa tuu ezimo lyaEfraim lya popi, omazimo omakwawo gaIsrael oga tila; oga tala kuEfraim. Ihe aantu oya yono molwokusimaneka Baal, onkee otaa ka sa. 2 Otaa tsikile natango okuyona, sho taa hambula iikalunga yoshisiliveli ye etwa po komadhiladhilo gomuntu nokiikaha yomuntu. Nena otaa ti: “Yi yambeleni oondjambo.” Aantu otaa vulu ngiini okuthipa iimenka komilungu — iikalunga molupe lwoontsezi! 3 Ano aantu mbaka otaa ka kana ngetsitsiya lyongula ya fa omume ndjoka tayi kaha po ongulangula. Otaa ka kala ya fa etutu tali pepwa kombepo molupale, ya fa olwithi talu zi moluungu.
4 Omuwa ota ti: “Ongame Omuwa Kalunga koye nde ku tembudha muEgipiti. Ngoye ku na Kalunga gulwe, ongame awike. Ongame awike omukulili gwoye. 5 Onde ku sile oshimpwiyu mevi lyombuga. 6 Ihe sho we ya moshilongo oshiwanawa, owa kuta e to kala u na ombili, nena owi inenepeke e to dhimbwa ndje. 7 Nena otandi ke ku langela pondjila ndjoka ho ende. 8 Otandi ke ku nukila nda fa emwanka ndyoka lya kanitha uunimona walyo, notandi ku vutula. Ongonime otandi ke ku hutagula po notandi ke ku tuulagula nda fa oshilikama.
9 “Otandi ke ku hanagula po, ngoye oshigwana shaIsrael! Olye te ku popile? 10 Owi indile, u pewe omukwaniilwa naawiliki, ihe otaa vulu ngiini okuhupitha oshigwana? 11 Mondjahi onde ku pe aakwaniilwa, nomongeyo onde ya kutha po.
12 “Uulunde nomayono gaIsrael oga nyolwa membo noga pungulwa nawalela. 13 Israel oku na ompito yokukala nomwenyo, ihe ina hala okwiitaala — okwa fa omunona e li pokuvalwa, ihe ota tindile moshivalelo. 14 Onda li nda hala oku ya hupitha, yaa ye mehala lyaasi, onda li nda hala oku ya kutha moonyala dheso. Eso, etelela oshiyelakondjitho shoye! Shaasi, etelela egonga lyoye! Oshigwana shika itandi shi sile we olukeno. 15 Israel nando a kokelele a fa iigwanga, otii ka pepitha ombepo ompyu yokuuzilo tayi zi kombuga, e tayi kukutike oothithiya nomithima dhe. Otayi ka kutha po ashihe shi na ondjundo. 16 Samaria ota geelwa omolwokutsa ondumbo nangame. Aantu ye otaa ka sila miita; uuhanona otau ka nyanyagulwa, naakulukadhi aasimba otaa ka vutulwa.”
Israel ta tokolwa
1 Nale shampa tuu ezimo lyaEfraim lya popi, omazimo omakwawo gaIsrael oga tila; oga tala kuEfraim. Ihe aantu oya yono molwokusimaneka Baal, onkee otaa ka sa. 2 Otaa tsikile natango okuyona, sho taa hambula iikalunga yoshisiliveli ye etwa po komadhiladhilo gomuntu nokiikaha yomuntu. Nena otaa ti: “Yi yambeleni oondjambo.” Aantu otaa vulu ngiini okuthipa iimenka komilungu — iikalunga molupe lwoontsezi! 3 Ano aantu mbaka otaa ka kana ngetsitsiya lyongula ya fa omume ndjoka tayi kaha po ongulangula. Otaa ka kala ya fa etutu tali pepwa kombepo molupale, ya fa olwithi talu zi moluungu.
4 Omuwa ota ti: “Ongame Omuwa Kalunga koye nde ku tembudha muEgipiti. Ngoye ku na Kalunga gulwe, ongame awike. Ongame awike omukulili gwoye. 5 Onde ku sile oshimpwiyu mevi lyombuga. 6 Ihe sho we ya moshilongo oshiwanawa, owa kuta e to kala u na ombili, nena owi inenepeke e to dhimbwa ndje. 7 Nena otandi ke ku langela pondjila ndjoka ho ende. 8 Otandi ke ku nukila nda fa emwanka ndyoka lya kanitha uunimona walyo, notandi ku vutula. Ongonime otandi ke ku hutagula po notandi ke ku tuulagula nda fa oshilikama.
9 “Otandi ke ku hanagula po, ngoye oshigwana shaIsrael! Olye te ku popile? 10 Owi indile, u pewe omukwaniilwa naawiliki, ihe otaa vulu ngiini okuhupitha oshigwana? 11 Mondjahi onde ku pe aakwaniilwa, nomongeyo onde ya kutha po.
12 “Uulunde nomayono gaIsrael oga nyolwa membo noga pungulwa nawalela. 13 Israel oku na ompito yokukala nomwenyo, ihe ina hala okwiitaala — okwa fa omunona e li pokuvalwa, ihe ota tindile moshivalelo. 14 Onda li nda hala oku ya hupitha, yaa ye mehala lyaasi, onda li nda hala oku ya kutha moonyala dheso. Eso, etelela oshiyelakondjitho shoye! Shaasi, etelela egonga lyoye! Oshigwana shika itandi shi sile we olukeno. 15 Israel nando a kokelele a fa iigwanga, otii ka pepitha ombepo ompyu yokuuzilo tayi zi kombuga, e tayi kukutike oothithiya nomithima dhe. Otayi ka kutha po ashihe shi na ondjundo. 16 Samaria ota geelwa omolwokutsa ondumbo nangame. Aantu ye otaa ka sila miita; uuhanona otau ka nyanyagulwa, naakulukadhi aasimba otaa ka vutulwa.”
