Eziriro esenina ra Job
1 Job wa zira a tja:
2 “Ove, tjiri, oove ombatero yatjiri ku ami,
ami ngu mbi ri
omundu omusyona notjingundi!
3 Ove we ndjipa ondunge ombwa,
nohaṋasana ondjiviro yoye kuna
eyova tjimuna ami.
4 Mo ripura kutja owaṋi ngu ma
zuu komambo woye aehe,
nowaṋi ngwe ku pe ombepo
yokuhungira nai?
5 “Ozombepo zovaṱi maze
zezera kehi yehi;
nomeva na imbi mbi ri mu wo,
wina mavi tira.
6 Otjovakoke tja yezuruka
komurungu wa Ndjambi;
kape notjikutjire tji matji
tji kutjire komurungu we.
7 Ndjambi wa parangisa evaverwa
rokeyuva kokunene,
na rekarekisa ehi kombanda
yopoṋa pu pe ri tjo.
8 Ndjambi ongu urisa ovikamba nomeva,
nu ongu tjaera kutja avi ha
pamunwa i ondjinda yawo.
9 Nu imbi ovikamba eye
u tjizikiza na vyo omueze.
10 Eye wa haṋa ondjerera konḓorera na
kondorokisa omuruko kombanda yokuvare.
11 Eye tji ma tanda ozongunḓe,
nḓa ṱizira evaverwa kombanda,
maze teratera naze zezerisiwa i omburuma.
12 Omasa we onge taara okuvare;
nounongo we, eye wa
hahaura ongurunyoka Rahab.
13 Eye wa kohorora evaverwa
nomasuvaneno we,
neke re onda zepa onyoka ondaure.
14 Nungwari oviṋa mbi ovyo ovipezeze
uriri vyomasa we, ovyo
omahokorero uriri eṱe ngu twa zuva.
Ouṋe ngu ma tjiwa kutja ounene wa Ndjambi,
tjiri, u ṱa pi?”
Job's Reply to Bildad
You Have Really Been Helpful
1 Job said:
2 You have really been helpful
to someone weak and weary.
3 You have given great advice
and wonderful wisdom
to someone truly in need.
4 How can anyone possibly speak
with such understanding?
5 Remember the terrible trembling
of those in the world of the dead
below the mighty ocean.
6 Nothing in that land
of death and destruction
is hidden from God,
7 who hung the northern sky
and suspended the earth
on empty space.
8 God stores water in clouds,
but they don't burst,
9 and he wraps them around
the face of the moon.
10 On the surface of the ocean,
God has drawn a boundary line
between light and darkness.
11 And columns supporting the sky
tremble at his command.
12 By his power and wisdom,
God conquered the force
of the mighty ocean.
13 The heavens became bright
when he breathed,
and the escaping sea monster
died at his hands.
14 These things are merely a whisper
of God's power at work.
How little we would understand
if this whisper
ever turned into thunder!
