1 “Amase ta ge nēn hoana ti mûra ǀkha ge mû
tsî ti ǂgaera ǀkha ǁnâu tsî ge ǁnâuǃā.
2 Sago xūn hoana ta tita tsîna a ǂan;
sago ǃoagu ta ǂkhariǃgôasen tide.
3 Xawe tita ge Hoaǀgaixab ǀkha ra ǃhoa ǂgao;
ti ǁhōba ta ge Elob ǀkha ra ǂnoagu ǂgao.
4 Xawe sago xasa, ǃurise ǂkhausa ǂhumi-aogo;
sago hoago ge a harebeoǃnâ soǀôadī-ao!
5 Ae, sago amǃnâde go ga ǂganam hâ,
o i ge sago gā-aisib ase ga ī hâ!
6 “Nēsi, ti ǂnoaguǀgauba ǁnâu,
î ti amǁgaukha di ǀkhomabasende ǃgâ.
7 Tare-i ǃaroma go Elob ǀons ǃnâ ǂhanuoǃnâse ra ǃhoa,
tsî ǁîb ǃaroma ǂhumiba ra ǃhoa?
8 ǁÎba go ra ǀkhāǁhûiba ǂgao?
Elob di ǁhōba go ra ǂnoaǁkhaeba ǂgao?
9 ǃGâi i kha nî, Elob ga sago ûiba ôaǃnâo?
Khoena go ra ǀhôagaoǃnâ khami
ǁîba ǀhôagaoǃnâ ǁkhā go nî?
10 ǀHôagaosib ǃnâ go ga ǀkhāǁhûi,
ob ge ǁîba amase nî ǁkhara go.
11 ǁÎb kai ǁkhāsiba kha ǃaoǃao go tide
tsî ǁîba ǃaosa kha ǁnāǂam go tide?
12 Sago ǂâidi ge tsaotsao hâ ǂkhoamîde,
sago ǂnoaǁkhaebasendi ge a ǂgoa.
13 Nēsisa go aibe ǃnō, aitsama ta nî ǃhoa xuige,
tare-i ǀgui-i ga hāǂam te xawes tsîna.
14 “Tita ge ti sorosa ti ǁgûn ǀkha nî nâ,
tsî ti ûiba ti ǃommi ǃnâ nî ū.
15 Elob ge nî ǃgam te,
tsî ta ǃâubasen-e ūhâ tama;
xawe ta ge ti ǁhōba ǁîb aiǃâ nî ǁgui.
16 Amase, nēs ge ti ores ase nî;
eloxoresa-i xare-i ǁîb aiǃâ a hā ǁoa xui-ao.
17 Ti mîde ǂōrisase ǃgâ,
îs ti mîǃgāǃgāsa sago ǂgaedi ǃnâ hâ.
18 Mû, tita ge ti ǁhōba ǂhomisase ūhâ;
ǂhanu ta a ǃkhaisa ta ge a ǂan.
19 “Tita ǀkha nî ǂnoagu khoe-e hâ i a?
O ta ge ǃnō tsî ga ǁō hâ.
20 ǀGam xūn ǀguina ta ge satsa xu ra ǂgan,
o ta ge sa aisa xu gaugausen tide.
21 Sa ǃomma tita xu ǃnūse ūhâ re,
î tā sa ǃaorosasib ǀkha ǁnāǂam te.
22 Tita ǂgai, o ta ge nî ǃeream;
tamas ka io a ta ǃhoa, îts satsa ǃeream te.
23 Mâtikō dīsādi tsî ǁoren tsîna ta ge dī?
Ti ǃûǂamdi tsî ǁoren tsîna ǂanǂan te re.
24 “Tare-i ǃaromats sa aisa tita xu gaugau
tsî ra sa khākhoedī te?
25 ǂOab xa ra ǃgommahe ǂnare-e ǃaoǃao
tsîts ǂnâsa ǀhōba ra ǃgôaǃgon?
26 “Sats ra ti ǃoagu tsū xūna xoa
tsî ti ǂkhamsis di ǁoren ǃaroma ǁkhara te xui-ao.
27 Ti ǂairats ge ǃgom ǂaiǃnaodi ǃnâ ra ǃgaemâi
tsî ti ǃgûdaogu hoaga ra ǃkhē;
ti ǂaira ra dā ǃkhais hoasats ge ra ǁgauǂui.
28 ǁNāti i ge khoe-e gunu hâ ǀae-i khami ra toa,
ǁgurigu xa ǂûhe hâ sara-i khami.
1 “Amase ta ge nēn hoana ti mûra ǀkha ge mû
tsî ti ǂgaera ǀkha ǁnâu tsî ge ǁnâuǃā.
2 Sago xūn hoana ta tita tsîna a ǂan;
sago ǃoagu ta ǂkhariǃgôasen tide.
3 Xawe tita ge Hoaǀgaixab ǀkha ra ǃhoa ǂgao;
ti ǁhōba ta ge Elob ǀkha ra ǂnoagu ǂgao.
4 Xawe sago xasa, ǃurise ǂkhausa ǂhumi-aogo;
sago hoago ge a harebeoǃnâ soǀôadī-ao!
5 Ae, sago amǃnâde go ga ǂganam hâ,
o i ge sago gā-aisib ase ga ī hâ!
6 “Nēsi, ti ǂnoaguǀgauba ǁnâu,
î ti amǁgaukha di ǀkhomabasende ǃgâ.
7 Tare-i ǃaroma go Elob ǀons ǃnâ ǂhanuoǃnâse ra ǃhoa,
tsî ǁîb ǃaroma ǂhumiba ra ǃhoa?
8 ǁÎba go ra ǀkhāǁhûiba ǂgao?
Elob di ǁhōba go ra ǂnoaǁkhaeba ǂgao?
9 ǃGâi i kha nî, Elob ga sago ûiba ôaǃnâo?
Khoena go ra ǀhôagaoǃnâ khami
ǁîba ǀhôagaoǃnâ ǁkhā go nî?
10 ǀHôagaosib ǃnâ go ga ǀkhāǁhûi,
ob ge ǁîba amase nî ǁkhara go.
11 ǁÎb kai ǁkhāsiba kha ǃaoǃao go tide
tsî ǁîba ǃaosa kha ǁnāǂam go tide?
12 Sago ǂâidi ge tsaotsao hâ ǂkhoamîde,
sago ǂnoaǁkhaebasendi ge a ǂgoa.
13 Nēsisa go aibe ǃnō, aitsama ta nî ǃhoa xuige,
tare-i ǀgui-i ga hāǂam te xawes tsîna.
14 “Tita ge ti sorosa ti ǁgûn ǀkha nî nâ,
tsî ti ûiba ti ǃommi ǃnâ nî ū.
15 Elob ge nî ǃgam te,
tsî ta ǃâubasen-e ūhâ tama;
xawe ta ge ti ǁhōba ǁîb aiǃâ nî ǁgui.
16 Amase, nēs ge ti ores ase nî;
eloxoresa-i xare-i ǁîb aiǃâ a hā ǁoa xui-ao.
17 Ti mîde ǂōrisase ǃgâ,
îs ti mîǃgāǃgāsa sago ǂgaedi ǃnâ hâ.
18 Mû, tita ge ti ǁhōba ǂhomisase ūhâ;
ǂhanu ta a ǃkhaisa ta ge a ǂan.
19 “Tita ǀkha nî ǂnoagu khoe-e hâ i a?
O ta ge ǃnō tsî ga ǁō hâ.
20 ǀGam xūn ǀguina ta ge satsa xu ra ǂgan,
o ta ge sa aisa xu gaugausen tide.
21 Sa ǃomma tita xu ǃnūse ūhâ re,
î tā sa ǃaorosasib ǀkha ǁnāǂam te.
22 Tita ǂgai, o ta ge nî ǃeream;
tamas ka io a ta ǃhoa, îts satsa ǃeream te.
23 Mâtikō dīsādi tsî ǁoren tsîna ta ge dī?
Ti ǃûǂamdi tsî ǁoren tsîna ǂanǂan te re.
24 “Tare-i ǃaromats sa aisa tita xu gaugau
tsî ra sa khākhoedī te?
25 ǂOab xa ra ǃgommahe ǂnare-e ǃaoǃao
tsîts ǂnâsa ǀhōba ra ǃgôaǃgon?
26 “Sats ra ti ǃoagu tsū xūna xoa
tsî ti ǂkhamsis di ǁoren ǃaroma ǁkhara te xui-ao.
27 Ti ǂairats ge ǃgom ǂaiǃnaodi ǃnâ ra ǃgaemâi
tsî ti ǃgûdaogu hoaga ra ǃkhē;
ti ǂaira ra dā ǃkhais hoasats ge ra ǁgauǂui.
28 ǁNāti i ge khoe-e gunu hâ ǀae-i khami ra toa,
ǁgurigu xa ǂûhe hâ sara-i khami.
