Josuab di tawedeǁnāxūs gowaǀîs
1 ǂOmxa ǁaeb khaoǃgâb ge ǃKhūba Israela ǁîb ǂnamipe hâ khākhoena xu sâba ge mā. ǁNā ǁaeb aib ge Josuaba ǀnai kaise ge kaira hâ i, 2 ǁnā-amagab ge hoaraga Israelǁîn, ǁîn di kaigu, ǂgaeǂgui-aogu, ǂhanuǂhanu-aogu tsî ǂamkhoegu tsîna ǂgai tsî ge mî: “Tita ge nēsi kaise kaira hâ. 3 ǃKhūb sadu Elob ge sadu ǃaroma nau ǃhaodi hoadi ǀkha dī xūn hoana du ge ge mû. ǃKhūb sadu Elob ge sado gere ǃkhamba. 4 Tita ge noxopa ǃgau hâ ǃhaodi di ǃhūb tsî ǀnai ta ge hîkākā ǃhaodi dib tsîn hoana sadu dise ge mā, Jordanǃāb aiǂoas ǃnâ ǁgoeba xu Mediteraneahurib huriǂoas ǃnâ ǁgoeb kōse. 5 ǃKhūb sadu Elob ge ǁîna sado xu nî ǁnā-oa kai tsîb ge ǁîna sadu aiǃâ nî ǁgariǂui. ǃKhūb sadu Elob ge mîmâi hâ i khamib ge ǁnā ǃhūba nî sadu di. 6 ǃÛisen, î du Moseb ǂkhanis ǃnâ a xoasa xūn hoana ǁnâuǀnam tsî dī. Tā ǀgui ǃâro-i âb tsîna ǁnākhao, 7 o du ge nē khoen sadu ǁaegu ǃgau hân ǀkha ǀgui tide tamas ka io ǁîn elogu di ǀonde ǂgai tamas ka io ǁîgu ǀondi tawa nū tamas ka io ǁîga ǀgoreǀî tamas ka io ǁîgu aiǃâ ǃhonǁgoa tide. 8 ǃKhūb sadu Elob ǃoagu ǂgomǂgomsase ī re, nēs kōse du go ī is ǁkhās khami. 9 ǃKhūb ge kai tsî ǀgaisa ǃhaode sadu aiǃâ ge ǁgariǂui tsî ǀgui khoe-i tsîn ge sado ge mâǃoa ǁoa i. 10 ǀGuib sadu dib ge ǀoadisi khoega a ǃkhoe kai ǁkhā, ǃKhūb sadu Elob, mîmâib ge khami ra ǃkhamba du xui-ao. 11 ǃÛisen ǁnâi, î du ǃKhūb sadu Eloba ǀnam. 12 ǁNâuǀnamoǃnâ tsî du ga noxopa sadu ǁaegu hâ ǃhaodi ǀkha ǁaeǁaesen tsî ǁîn ǀkha ǃgameǃnâgu, 13 o du ge nî ǂan ǃKhūb sadu Elob ǁnā ǃhaode sadu aiǃâ ǁgariǂui tide ǃkhaisa. Tsîn ge ǁîna sado ǃnuis tamas ka io ǁnoas khami ǃaorosase nî ība tsî sadu ǁâba ǂnauǃnabab khami nî tsûsaba tamas ka io ǁkhūn khami sadu mûdi ǃnâ nî ī. Nēs ge nî hâhâ ǀgui-i sadu di i tsîn nē ǃgâi ǃhūb, ǃKhūb sadu Elob ge mā dub ǃnâ ǃgau tides kōse.
14 “Ti ǁōǁaeb ge nēsi go ǀgūtoa. Mâ ǀgui-i sadu di i hoa-i ge ǁî-i ǂgaob tsî ǀoms ǃnâ a ǂan, ǃKhūb sadu Elob ge mîmâiba dub ge ǃgâi xūn hoana a mā du ǃkhaisa. ǁÎb ge dīb ge mîmâis hoasa ge dīǀoaǀoa, ǀguis xawes ge dīǀoaǀoahe tama i tama hâ. 15 Xaweb ge mâ mîmâis sadob ge mîmâibas hoasab ge dīǀoaǀoas ǁkhās khami, mâ ǂkhôab mîb geb hoaba sadu ǂama nî hā kai. 16 ǃKhūb sadu Elob ge mîmā du ǃgaeǀhaosa du ga ǃkhōǀgaipe tama i tsî ǀkhara eloga ǀgoreǀî, ob ge ǁîba ǁaib âb ǃnâ nî ǁkhara du, o i ge ǀgui-i sadu di i tsîna nē ǃgâi ǃhūb ǁîb ge mā dub ǃnâ ǃgau tide.”
Josuab di tawedeǁnāxūs gowaǀîs
1 ǂOmxa ǁaeb khaoǃgâb ge ǃKhūba Israela ǁîb ǂnamipe hâ khākhoena xu sâba ge mā. ǁNā ǁaeb aib ge Josuaba ǀnai kaise ge kaira hâ i, 2 ǁnā-amagab ge hoaraga Israelǁîn, ǁîn di kaigu, ǂgaeǂgui-aogu, ǂhanuǂhanu-aogu tsî ǂamkhoegu tsîna ǂgai tsî ge mî: “Tita ge nēsi kaise kaira hâ. 3 ǃKhūb sadu Elob ge sadu ǃaroma nau ǃhaodi hoadi ǀkha dī xūn hoana du ge ge mû. ǃKhūb sadu Elob ge sado gere ǃkhamba. 4 Tita ge noxopa ǃgau hâ ǃhaodi di ǃhūb tsî ǀnai ta ge hîkākā ǃhaodi dib tsîn hoana sadu dise ge mā, Jordanǃāb aiǂoas ǃnâ ǁgoeba xu Mediteraneahurib huriǂoas ǃnâ ǁgoeb kōse. 5 ǃKhūb sadu Elob ge ǁîna sado xu nî ǁnā-oa kai tsîb ge ǁîna sadu aiǃâ nî ǁgariǂui. ǃKhūb sadu Elob ge mîmâi hâ i khamib ge ǁnā ǃhūba nî sadu di. 6 ǃÛisen, î du Moseb ǂkhanis ǃnâ a xoasa xūn hoana ǁnâuǀnam tsî dī. Tā ǀgui ǃâro-i âb tsîna ǁnākhao, 7 o du ge nē khoen sadu ǁaegu ǃgau hân ǀkha ǀgui tide tamas ka io ǁîn elogu di ǀonde ǂgai tamas ka io ǁîgu ǀondi tawa nū tamas ka io ǁîga ǀgoreǀî tamas ka io ǁîgu aiǃâ ǃhonǁgoa tide. 8 ǃKhūb sadu Elob ǃoagu ǂgomǂgomsase ī re, nēs kōse du go ī is ǁkhās khami. 9 ǃKhūb ge kai tsî ǀgaisa ǃhaode sadu aiǃâ ge ǁgariǂui tsî ǀgui khoe-i tsîn ge sado ge mâǃoa ǁoa i. 10 ǀGuib sadu dib ge ǀoadisi khoega a ǃkhoe kai ǁkhā, ǃKhūb sadu Elob, mîmâib ge khami ra ǃkhamba du xui-ao. 11 ǃÛisen ǁnâi, î du ǃKhūb sadu Eloba ǀnam. 12 ǁNâuǀnamoǃnâ tsî du ga noxopa sadu ǁaegu hâ ǃhaodi ǀkha ǁaeǁaesen tsî ǁîn ǀkha ǃgameǃnâgu, 13 o du ge nî ǂan ǃKhūb sadu Elob ǁnā ǃhaode sadu aiǃâ ǁgariǂui tide ǃkhaisa. Tsîn ge ǁîna sado ǃnuis tamas ka io ǁnoas khami ǃaorosase nî ība tsî sadu ǁâba ǂnauǃnabab khami nî tsûsaba tamas ka io ǁkhūn khami sadu mûdi ǃnâ nî ī. Nēs ge nî hâhâ ǀgui-i sadu di i tsîn nē ǃgâi ǃhūb, ǃKhūb sadu Elob ge mā dub ǃnâ ǃgau tides kōse.
14 “Ti ǁōǁaeb ge nēsi go ǀgūtoa. Mâ ǀgui-i sadu di i hoa-i ge ǁî-i ǂgaob tsî ǀoms ǃnâ a ǂan, ǃKhūb sadu Elob ge mîmâiba dub ge ǃgâi xūn hoana a mā du ǃkhaisa. ǁÎb ge dīb ge mîmâis hoasa ge dīǀoaǀoa, ǀguis xawes ge dīǀoaǀoahe tama i tama hâ. 15 Xaweb ge mâ mîmâis sadob ge mîmâibas hoasab ge dīǀoaǀoas ǁkhās khami, mâ ǂkhôab mîb geb hoaba sadu ǂama nî hā kai. 16 ǃKhūb sadu Elob ge mîmā du ǃgaeǀhaosa du ga ǃkhōǀgaipe tama i tsî ǀkhara eloga ǀgoreǀî, ob ge ǁîba ǁaib âb ǃnâ nî ǁkhara du, o i ge ǀgui-i sadu di i tsîna nē ǃgâi ǃhūb ǁîb ge mā dub ǃnâ ǃgau tide.”
