1 Ob ge ǃKhūba ǁgaoǂoasa xu Jobi ǀkha ǁkhawa ge ǃhoa:
2 “Hoaǀgaixaba ra ǀhapiǂnûiǀkhā ǂgao khoe-e,
ǁîba ǂgōǀau ǁkhā-e?
Elob ǀkha ra ǂgaenamǃgâgu khoe-i hoa-e,
a i ǁîba ǃeream.”
3 Ob ge Joba ǃKhūba ge ǃeream:
4 “Amase, tita kom xū tama xūtao;
mâ ǀgaus ai ta kha a ǃeream tsi ǁkhā?
Ti ǃomma ta ti ams ai nî ǁgui
tsî ta ǃeream tsi tide.
5 ǀNai ta ge ǃhoa, xawe ta ge ǃeream ǁoa i;
ǁkhawa ta ge ǃhoa, xawe ta ǃaruǀî xū-e mî tide.”
6 Ob ge ǃKhūba ǁgaoǂoasa xu Jobi ǀkha ge ǃhoa:
7 “Ao-i khami sa kamanaba ǃgae;
tita ge nî dî tsi, tsîts ge nî ǃeream te.
8 Ti ǀgoraǃgâs a ǁau ǃkhaisats ra ǁgauǂui ǂgao?
Titats ra ǀgoraǃgâ, sats nî ǂhanu-ai kaihe ǁkhāse?
9 Tita ūhâ ǁkhāsiba ūts hâ,
tsî tita ra ti dommi ǀkha ǃguru
khami ǃguru ǁkhāts a?
10 O ǁkhāsib tsî ǃgôasib tsîkhats ūhâsa ǁgau;
tsî ǀgaib tsî ǂkhaisib tsîkha ǀkhats anasen hâ.
11 ǀGamsasib sa ǃnāǂamsa ǁaib diba ǁhōǂui;
ǂnīǂnīsen ran hoana ôaǂui, î ǁîna ǁîn ǃkhaidi ai ǂnûi.
12 Mâ ǂnīsa khoe-i hoa-e kōǀî, î ǁî-e ǃgamǃgam;
eloxoresana hân a ǃkhais hoas ai dāǂkhū.
13 Hoana ǀguipa ǃhūb ǃnâ ǁkhō;
as ǀhobasa ǁîn di ǃkhō-om kai.
14 O ta ge tita tsîna nî ǂanǃgâ tsi,
sa ǀgaib ǂûb dansa a mā tsi ǁkhāsa.
15 “Hurigomaba kō re,
satsa ta ge kuru khami ta ge kuruba;
ǁîb ge gomab khami ǀgâna ra ǂû.
16 ǁÎb ǀgaib ge ǂhobekha âb ǃnâ hâ
tsî ǃnāb âb di ǁapagu ǃnâs tsîna.
17 ǁÎb ǂarebab ge sederhai-i khami ǂgōse ra mâi;
ǁîb tîǁapagu ge a ǂgapuǁaresa.
18 ǁÎb ǂkhōgu ge brons-i khami ǀgaisa
tsî uniǁaedi âba ǀuri-i khami.
19 “Elob ge kuru xūn hoan ǃnâb ge ǁîba a ǂguro;
ǁîb Kuru-aob ǀguib ge gôab ǀkha a hîkākā bi ǁkhā.
20 ǃHomgu ge ǁîba ǂûna ra ǀkhī-ūba
hoaraga ǀgurun ra ǂgammapa.
21 ǁÎb ge ǁkhūhaidi ǃnaka ra ǁgoe,
tsî ǂāgu tsî ǀgom ǂgoaǀgâgu ǁaegu ra gauǁgoe.
22 ǁKhūhaidi sommi ge ǁîba ra ǁkhaeba;
ǃāb amǃgâ mâ haidi ge a ǁîb ǃnorasa ǃkhai.
23 ǃĀb ga mâtikōse ǁaixase ǁgôaxa,
xaweb ge ǃao tama;
Jordanǃāb ga ǀgapise khâimâ,
xaweb ge ǁîba ǃhuri tama.
24 Tari-e ǁîba aisǀkhāba xu a ǃkhō ǁkhā
tamas ka io ǁîba ǃnamǂgui tsî ǃkhōǃhâuba ǂgā ǁkhā-e?
1 Ob ge ǃKhūba ǁgaoǂoasa xu Jobi ǀkha ǁkhawa ge ǃhoa:
2 “Hoaǀgaixaba ra ǀhapiǂnûiǀkhā ǂgao khoe-e,
ǁîba ǂgōǀau ǁkhā-e?
Elob ǀkha ra ǂgaenamǃgâgu khoe-i hoa-e,
a i ǁîba ǃeream.”
3 Ob ge Joba ǃKhūba ge ǃeream:
4 “Amase, tita kom xū tama xūtao;
mâ ǀgaus ai ta kha a ǃeream tsi ǁkhā?
Ti ǃomma ta ti ams ai nî ǁgui
tsî ta ǃeream tsi tide.
5 ǀNai ta ge ǃhoa, xawe ta ge ǃeream ǁoa i;
ǁkhawa ta ge ǃhoa, xawe ta ǃaruǀî xū-e mî tide.”
6 Ob ge ǃKhūba ǁgaoǂoasa xu Jobi ǀkha ge ǃhoa:
7 “Ao-i khami sa kamanaba ǃgae;
tita ge nî dî tsi, tsîts ge nî ǃeream te.
8 Ti ǀgoraǃgâs a ǁau ǃkhaisats ra ǁgauǂui ǂgao?
Titats ra ǀgoraǃgâ, sats nî ǂhanu-ai kaihe ǁkhāse?
9 Tita ūhâ ǁkhāsiba ūts hâ,
tsî tita ra ti dommi ǀkha ǃguru
khami ǃguru ǁkhāts a?
10 O ǁkhāsib tsî ǃgôasib tsîkhats ūhâsa ǁgau;
tsî ǀgaib tsî ǂkhaisib tsîkha ǀkhats anasen hâ.
11 ǀGamsasib sa ǃnāǂamsa ǁaib diba ǁhōǂui;
ǂnīǂnīsen ran hoana ôaǂui, î ǁîna ǁîn ǃkhaidi ai ǂnûi.
12 Mâ ǂnīsa khoe-i hoa-e kōǀî, î ǁî-e ǃgamǃgam;
eloxoresana hân a ǃkhais hoas ai dāǂkhū.
13 Hoana ǀguipa ǃhūb ǃnâ ǁkhō;
as ǀhobasa ǁîn di ǃkhō-om kai.
14 O ta ge tita tsîna nî ǂanǃgâ tsi,
sa ǀgaib ǂûb dansa a mā tsi ǁkhāsa.
15 “Hurigomaba kō re,
satsa ta ge kuru khami ta ge kuruba;
ǁîb ge gomab khami ǀgâna ra ǂû.
16 ǁÎb ǀgaib ge ǂhobekha âb ǃnâ hâ
tsî ǃnāb âb di ǁapagu ǃnâs tsîna.
17 ǁÎb ǂarebab ge sederhai-i khami ǂgōse ra mâi;
ǁîb tîǁapagu ge a ǂgapuǁaresa.
18 ǁÎb ǂkhōgu ge brons-i khami ǀgaisa
tsî uniǁaedi âba ǀuri-i khami.
19 “Elob ge kuru xūn hoan ǃnâb ge ǁîba a ǂguro;
ǁîb Kuru-aob ǀguib ge gôab ǀkha a hîkākā bi ǁkhā.
20 ǃHomgu ge ǁîba ǂûna ra ǀkhī-ūba
hoaraga ǀgurun ra ǂgammapa.
21 ǁÎb ge ǁkhūhaidi ǃnaka ra ǁgoe,
tsî ǂāgu tsî ǀgom ǂgoaǀgâgu ǁaegu ra gauǁgoe.
22 ǁKhūhaidi sommi ge ǁîba ra ǁkhaeba;
ǃāb amǃgâ mâ haidi ge a ǁîb ǃnorasa ǃkhai.
23 ǃĀb ga mâtikōse ǁaixase ǁgôaxa,
xaweb ge ǃao tama;
Jordanǃāb ga ǀgapise khâimâ,
xaweb ge ǁîba ǃhuri tama.
24 Tari-e ǁîba aisǀkhāba xu a ǃkhō ǁkhā
tamas ka io ǁîba ǃnamǂgui tsî ǃkhōǃhâuba ǂgā ǁkhā-e?
