1 ǂGōǀauhe-i ga xawe ǃaruǀî ǀgui ra karokarosen khoe-i ge aitsama ra hîkākāsen tsî tātsē ǂuru ǁkhā tide.
2 ǂHanu-ai khoen ga ǂgaeǂguis ǃnâ hâ, on ge khoena ra ǃgâiaǂgao; eloxoresa khoen ga ǂgaeǂguis ǃnâ hâ, on ge khoena ǀkhomǀkhomsa mâsib ǃnâ ra hâ.
3 Gā-aisiba ǀnam ǀgôab hoab ge ǁîb îra ra ǃgâiaǂgao kai.
ǀAi-aodi ǀkha ra ǂharugub hoab ge ǃkhūsib âba ra hîǀhuru.
4 ǂHanu-aisiba ra dī gao-ao-i ge ǃhūb di ǁaesa ra ǀgaiǀgai, xawe ǀhôagao ǁaxasiga ǀnam gao-ao-i ge ǃhūba ra hîkākā.
5 ǁÎ-i ǀgūkhoe-e ra ǂgaeǂhapu khoe-i ge ǁî-aitsama āsa ra khaobasen.
6 ǂKhabadī-ao-i ge ǁî-i ǁoren ǂûn xa ǃnuihe hâ, xawe ǂhanu-ai khoen ge ǁnae tsî ra dâ.
7 ǂHanu-ai khoen ge ǀgâsa khoen ǂhanuga ǂan; eloxoresa khoen ge ǁnāti ī ǁnâuǃāba ūhâ tama hâ.
8 ǃHō-aon ge ǃāsa ǂkhabab ǀkha ra ǀgomǀgom, xawe gā-ai khoen ge ǂkhababa ra ǁkhaebē.
9 Gā-ai khoe-i ga gâre khoe-i ǀkha ǀgoraǃgâǃkhaib tawa sī, o-i ge gâre khoe-e âi tamas ka io ǂkhî-e ūhâ tama hâ.
10 ǃGamaon ge ǂhauǃnâ khoena ra ǁkhan; ǂhanu-ai khoen ge ǁîn ûiba ra ǃgôa.
11 Gâre khoe-i ge ǁî-i ǁaiba ǀhûhâsib ǃnâ ra ǃāǂui, xawe gā-ai khoe-i ge ǁaib â-e ra ǃkhō-oa.
12 ǂGaeǂgui-ao-i ga ǂhumiba ǃgâ, on ge ǁî-i ǃnaka hâ ǂgaeǂgui-aon hoana nî eloxoresa.
13 ǀGâsa khoe-i tsî ǃkhū hâ khoe-i tsîn hoan ge nēsa ūhâ: ǃKhūb ge hoa ǀgamna ǃnâba ra mû kai.
14 Gao-ao-i ga ǀgâsa khoe-e amab ǀkha ǀgoraǃgâ, o i ge ǁî-e ǀamose trons ai nî ǂnû.
15 ǃNabas tsî ǂgōǀaus tsîra ge gā-aisiba ra mā, xawe ǁae-ūhe tama ǀgôa-i ge ǁî-i îs taosib ase ī.
16 Eloxoresa khoen ga ǂgaeǂguis ǃnâ hâ, ob ge ǂkhābadība ra aiǃgû; xawe ǂhanu-ai khoen ge ǁîn ǁnāsa nî kōǀî.
17 Sa ôana ǂgōǀau, ots ge sâba nî ūhâ; ǁîn ge nî ǃgâiaǂgao kai tsi.
18 Eloba xu hâ kēbos xa ǂgaeǂguihe tama khoen ge ǂâikorobese ra ûi, xawe ǀkhaehesan ge ǁnā khoen ǂhanuba ra ǁnâuǀnamna.
19 Mîdi ǀkha ǀguits ge khobo-e ǂgōǀau ǁoa, ǁnâuǃā-i ga xawe i ǁae tama xui-ao.
20 ǂÂi tama ra ǃhoa khoe-e mûts ge? Gâre khoe-i ǀkhats ge ǃnāsa ǃâubasensa ǁî-i ǃgâ-ai ūhâ.
21 Sa ǃgā-ets ga ǂkhamsis â-e xu ǂgao i ra xū-i hoa-e mā, o i ge ǁî-e ǀams ai sa xūna sī nî ǀhana tsi .
22 ǁAiǁaisen xa khoe-i ge ǂkhabab ǀguiba ra ǃaroma, tsî ǂkhabaxa khoe-i ge ǃnāsa ǂkhabadīb ǀguiba ra ǃaroma.
23 ǀGapiǂâixasib ge sa khoesisa nî ǀhana tsi, xawe ǃgamǃgamsensa gagasa ūhâ khoe-i ge ǃgôasiba nî hōbasen.
24 ǃNari-ao-i di ǀhōsa-i ge aitsama ra ǁkhansen; ǁî-i ai ǁgoe ǀâxarebats ǂan, xawets ge amaba ra sâu.
25 Khoenats ga ǃao, ots ge aitsama ra ǃnuisen, xawe ǃKhūb aits ga ǂgomaiǂnûi, ots ge a ǃnorasa.
26 ǂGui khoen ge ǂgaeǂgui-ao-i ǃgâiba ra ôa, xawe ǃKhūba xus ge ǂhanu-aisibats ra hōsa.
27 ǂHanuoǃnâ ûiga ūhâ khoen ge ǂhanu-ai khoen aiǃâ a ui-uisa, xawe ǂhauǃnâse ra ûi khoen ge eloxoresa khoen aiǃâ a ui-uisa.
1 ǂGōǀauhe-i ga xawe ǃaruǀî ǀgui ra karokarosen khoe-i ge aitsama ra hîkākāsen tsî tātsē ǂuru ǁkhā tide.
2 ǂHanu-ai khoen ga ǂgaeǂguis ǃnâ hâ, on ge khoena ra ǃgâiaǂgao; eloxoresa khoen ga ǂgaeǂguis ǃnâ hâ, on ge khoena ǀkhomǀkhomsa mâsib ǃnâ ra hâ.
3 Gā-aisiba ǀnam ǀgôab hoab ge ǁîb îra ra ǃgâiaǂgao kai.
ǀAi-aodi ǀkha ra ǂharugub hoab ge ǃkhūsib âba ra hîǀhuru.
4 ǂHanu-aisiba ra dī gao-ao-i ge ǃhūb di ǁaesa ra ǀgaiǀgai, xawe ǀhôagao ǁaxasiga ǀnam gao-ao-i ge ǃhūba ra hîkākā.
5 ǁÎ-i ǀgūkhoe-e ra ǂgaeǂhapu khoe-i ge ǁî-aitsama āsa ra khaobasen.
6 ǂKhabadī-ao-i ge ǁî-i ǁoren ǂûn xa ǃnuihe hâ, xawe ǂhanu-ai khoen ge ǁnae tsî ra dâ.
7 ǂHanu-ai khoen ge ǀgâsa khoen ǂhanuga ǂan; eloxoresa khoen ge ǁnāti ī ǁnâuǃāba ūhâ tama hâ.
8 ǃHō-aon ge ǃāsa ǂkhabab ǀkha ra ǀgomǀgom, xawe gā-ai khoen ge ǂkhababa ra ǁkhaebē.
9 Gā-ai khoe-i ga gâre khoe-i ǀkha ǀgoraǃgâǃkhaib tawa sī, o-i ge gâre khoe-e âi tamas ka io ǂkhî-e ūhâ tama hâ.
10 ǃGamaon ge ǂhauǃnâ khoena ra ǁkhan; ǂhanu-ai khoen ge ǁîn ûiba ra ǃgôa.
11 Gâre khoe-i ge ǁî-i ǁaiba ǀhûhâsib ǃnâ ra ǃāǂui, xawe gā-ai khoe-i ge ǁaib â-e ra ǃkhō-oa.
12 ǂGaeǂgui-ao-i ga ǂhumiba ǃgâ, on ge ǁî-i ǃnaka hâ ǂgaeǂgui-aon hoana nî eloxoresa.
13 ǀGâsa khoe-i tsî ǃkhū hâ khoe-i tsîn hoan ge nēsa ūhâ: ǃKhūb ge hoa ǀgamna ǃnâba ra mû kai.
14 Gao-ao-i ga ǀgâsa khoe-e amab ǀkha ǀgoraǃgâ, o i ge ǁî-e ǀamose trons ai nî ǂnû.
15 ǃNabas tsî ǂgōǀaus tsîra ge gā-aisiba ra mā, xawe ǁae-ūhe tama ǀgôa-i ge ǁî-i îs taosib ase ī.
16 Eloxoresa khoen ga ǂgaeǂguis ǃnâ hâ, ob ge ǂkhābadība ra aiǃgû; xawe ǂhanu-ai khoen ge ǁîn ǁnāsa nî kōǀî.
17 Sa ôana ǂgōǀau, ots ge sâba nî ūhâ; ǁîn ge nî ǃgâiaǂgao kai tsi.
18 Eloba xu hâ kēbos xa ǂgaeǂguihe tama khoen ge ǂâikorobese ra ûi, xawe ǀkhaehesan ge ǁnā khoen ǂhanuba ra ǁnâuǀnamna.
19 Mîdi ǀkha ǀguits ge khobo-e ǂgōǀau ǁoa, ǁnâuǃā-i ga xawe i ǁae tama xui-ao.
20 ǂÂi tama ra ǃhoa khoe-e mûts ge? Gâre khoe-i ǀkhats ge ǃnāsa ǃâubasensa ǁî-i ǃgâ-ai ūhâ.
21 Sa ǃgā-ets ga ǂkhamsis â-e xu ǂgao i ra xū-i hoa-e mā, o i ge ǁî-e ǀams ai sa xūna sī nî ǀhana tsi .
22 ǁAiǁaisen xa khoe-i ge ǂkhabab ǀguiba ra ǃaroma, tsî ǂkhabaxa khoe-i ge ǃnāsa ǂkhabadīb ǀguiba ra ǃaroma.
23 ǀGapiǂâixasib ge sa khoesisa nî ǀhana tsi, xawe ǃgamǃgamsensa gagasa ūhâ khoe-i ge ǃgôasiba nî hōbasen.
24 ǃNari-ao-i di ǀhōsa-i ge aitsama ra ǁkhansen; ǁî-i ai ǁgoe ǀâxarebats ǂan, xawets ge amaba ra sâu.
25 Khoenats ga ǃao, ots ge aitsama ra ǃnuisen, xawe ǃKhūb aits ga ǂgomaiǂnûi, ots ge a ǃnorasa.
26 ǂGui khoen ge ǂgaeǂgui-ao-i ǃgâiba ra ôa, xawe ǃKhūba xus ge ǂhanu-aisibats ra hōsa.
27 ǂHanuoǃnâ ûiga ūhâ khoen ge ǂhanu-ai khoen aiǃâ a ui-uisa, xawe ǂhauǃnâse ra ûi khoen ge eloxoresa khoen aiǃâ a ui-uisa.
