Oshikefa moshilongo shOvafilisti
1 NOvafilisti va kufa oshikefa shaKalunga muEben-Eser, ndele ve shi twala kuAsdod. 2 Opo nee Ovafilisti va kufa oshikefa shaKalunga ndele ve shi twala mongulu yaDagon, ndele ve shi tula popepi naDagon. 3 Oonakukalamo muAsdod, eshi ve uya mo ongula inene, va mona Dagon ta nangala oshipala shaye pedu moshipala shoshikefa shOmwene. Ndele va kufa Dagon ndele tave mu tula ponhele yaye vali. 4 Ndelenee vo eshi va penduka ongula inene, ova mona Dagon a nangala oshipala shaye pedu moshipala shoshikefa shOmwene. Ndelenee omutwe waDagon nomake aye avali a tetwa a li poshikulo shoposhi, olumbubu alike lolutu la fyaala po. 5 Onghee hano ovapristeli vaDagon naaveshe ava tava i mongulu yaDagon, itava lyata koshikulo shoposhi shongulu yaDagon muAsdod fiyo onena eli.
6 Ndelenee eke lOmwene la li lidjuu kombada yOvaasdod, ndele Ye e va tilifa nokwe va hepeka noidinda, Asdod noipangelwa yasho. 7 Ovalumenhu vomuAsdod, eshi va dimbulukwa oyo tuu ei, vo va tya: Oshikefa shaKalunga kaIsrael inashi kala vali pufye, osheshi eke laye oli li po lidjuu kombada yetu nokombada yakalunga ketu Dagon. 8 Onghee va ifana ovakulunhu aveshe vOvafilisti va ongale puvo ndele tava pula: “Fye ohatu ka ninga ngahelipi noshikefa shaKalunga kaIsrael?” Ndele venya va tya: “Oshikefa shaKalunga kaIsrael nashi twalwe kuGat.” Ndele oko va twala oshikefa shaKalunga kaIsrael. 9 Ndele vo eshi ve shi twala ko, eke lOmwene la hanga oshilando, le shi dongakanifa nedongakanifo linene shili noonakukala vomoshilando, ovanyasha novakulunhu, Ye e va umba oidinda. 10 Opo nee va tuma oshikefa shaKalunga kuEkron. Ndelenee oshikefa shaKalunga eshi she uya muEkron, ovanhu vomuEkron va ingida ndele tava ti: “Vo ova tuma oku kwaame oshikefa shaKalunga kaIsraeli, ame novanhu vange va hangike kefyo.” 11 Onghee hano va ongaleka ovakulunhu aveshe vOvafilisti ndele tava ti: Oshikefa shaKalunga kaIsrael nashi shunifwe monhele yasho, shiha etele nge novanhu vange efyo. Osheshi oumbada wefyo wa kwata oshilando ashishe. Eke laKalunga la li lidjuu shili. 12 Novanhu ava inava fya, va umbwa oidinda, onghee onghuwo yekwafo ya dja moshilando ya londa meulu.
Oshikethahangano mokati kAafilisti
1 Konima Aafilisti sho ya kwata po oshikethahangano, oye shi kutha kuEbenezer e taye shi fala koshilando shawo Ashdod, 2 ye shi tula motempeli yakalunga kawo Dagon noye shi langeke ontega noshiyelekela shaDagon. 3 Ongula onene sho kwa shi, aantu yokuAshdod oya mono efano lyoshiyelekela shaDagon lya gwila pevi nolya sizimaneka oshipala pevi komeho goshikethahangano shOmuwa. Oyo oye li toola po e taye li tula pehala lyalyo. 4 Ongulangula ya landula oya mono ishewe oshiyelekela shaDagon sha gwile pevi komeho goshikethahangano. Omutse gwasho nomaako gasho agehe oya li ya teka ko, yi li lwoposheelo; olutu aluke lwa li lwa kala po. 5 (Omolwashika aayambi yaDagon naasimaneki ye ayehe muAshdod ihaa lyata po we pehala mpoka sigo onena.)
6 Omuwa okwa geele aantu yokuAshdod noonkondo e te ya tilitha. Okwe ya geele pamwe naantu yomomikunda dhe ya kunduka nokwe ya etele iitumbuka. 7 Sho ya mono mbika ya ningwa, oya ti: “Kalunga kaIsrael ote tu geele e ta geele wo kalunga ketu Dagon. Itatu vulu we okukala noshikethahangano shika.” 8 Onkee oya tumu aatumwa noyi ithana aakwaniilwa yatano yAafilisti ya gongale noye ya pula: “Oshikethahangano shaKalunga kaIsrael otatu shi ningi ngiini?”
Aakwaniilwa oye ya yamukula ya ti: “Shi faleni kuGat.” Osho ngaaka ye shi fala kuGat, oshilando shilwe shAafilisti. 9 Ihe sho sha thiki ko, Omuwa okwa geele noshilando shika wo nokwe eta ehaluko enene. Okwe ya geele niitumbuka maantu ayehe yomoshilando, aanona naakuluntu. 10 Oya tumu ishewe oshikethahangano kuEkron, oshilando shilwe shAafilisti; ihe sho sha thiki ko, aantu oyi igidha ya ti: “Oya tumu huka oshikethahangano shaKalunga kaIsrael, opo shi tu dhipage po atuhe!” 11 Oya gongaleke ishewe aakwaniilwa ayehe yAafilisti noya ti kuyo: “Shunii ko oshikethahangano kehala lyasho, opo shaa tu dhipage po naangandjetu.” Moshilando ashihe omwa li etilo, oshoka Kalunga okwe ya geele noonkondo. 12 Naamboka inaa sa, oya li yu udha iitumbuka, aantu noya kugile iikalunga yawo onkugo, yi ya kwathe.
