Omuwa ta geelele Israel esimaneko lyiimenka
1 Omuwa ota ti: “Kugeni onkugo! Aatondi otaa fegula po evi lyandje ya fa omakodhi. Aantu yandje oya yono ehangano lyetu nayo noya tsa ondumbo nompango yandje. 2 Nonando nee yi ithane ndje Kalunga kawo noya tye, oyo aantu yandje noya tseya ndje, 3 oye ekelehi shoka oshiwanawa. Onkee aatondi yawo otaa ke ya tidhagana.
4 “Aantu yandje oyi ihogololele aakwaniilwa, ihe oye shi ningi muyo yene. Oya langeke aawiliki, ihe ngame inandi shi zimina. Oya kutha oshisiliveli shawo noshingoli e taa hambula iimenka. Shika otashi ya fala meyonuko. 5 Otandi tondo ontsezi yoshingoli tayi simanekwa kaantu yomoshilando Samaria. Otandi ya geele. Sigo uunake taa kala ngeyi inaaye etha iikalunga yawo? 6 Omuhambudhi Omuisraeli okwa hambula oshimenka, ihe kashi shi Kalunga. Ontsezi yoshingoli hayi simanekwa muSamaria, otayi ka tatulwa po. 7 Otaa kunu ombepo, ihe otaa ka teya oshikungulu! Epya lyiilya mbyoka inaayi tiligana itayi vulu okugandja oshithima. Nonando nee nali shi ninge, aakwiilongo otaye shi li po. 8 Israel a faathana niigwana yilwe noke na we oshilonga mokati kayo, a fa ombiga ya tatuka. 9 Ngaashi uusino uupwidhi aantu yaIsrael otaa lambalala oondjila dhawo yene. Oya yi, ya ka konge ekwatho kuAssur noya futu iigwana yilwe, opo yi ya gamene. 10 Ihe nena otandi ke ya gongela e tandi ya geele. Mbala otaa ka thinonwa kuuwehame, omukwaniilwa gwaAssur sho te ya hepeke.
11 “Oshigwana shaIsrael sho sha tungu iiyambelo oyindji okukutha po oondjo, oshi na muyo omahala ogendji gokuyonena. 12 Nando ndi kale nde ya nyolela iipango yaa shi kuyalulwa, oye yi tindi noye yi tala iinima iikwiilongo. 13 Otaa yambele ndje oondjambo notaa li onyama yadho, ihe ngame Omuwa kandi na mbili nayo. Otandi dhimbulukwa oondjo dhawo e tandi dhi ya geelele. Otandi ke ya shuna kuEgipiti.
14 “Oshigwana shaIsrael osha tungu oombala dhaakwaniilwa, ihe osha dhimbwa omushiti gwasho. Oshigwana shaJuda osha tungu iilandohote, ihe otandi ka tuma omulilo, gu lungunithe po oombala dhawo dhaakwaniilwa niilando yawo.”
Okuteka kwaEfraim oku li popepi
1 Tula enghuma mokanya! Ngaashi onhwa kongulu yOmwene! Osheshi ova nyona ehangano lange, ndele va efa omhango yange 2 Otava ifana nge tava ti: Kalunga kange, ofye Israel tu ku shii. 3 Israel osha efa ouwa Omutondadi ne ke mu taatae. 4 Ova nangeka eehamba, ndelenee inashi dja mwaame. Va hoolola omalenga, ndelenee Ame inandi shi shiiva. Oisiliveli noingoldo yavo oya ninga oikalunga yavo fiyo enyonauko tali va hange.
5 Onhana yoye oixuna, Samaria! Ehandu lange le va xwamenena. Fiyo onaini otava efiwa inava handukilwa? 6 Aishe oya dja muIsrael, omuhambwidi e i ninga ndele yo kai fi Kalunga. Ndelenee onhana yomuSamaria tai ka hanaunwa moutandu. 7 Osheshi otava kunu omhepo ndelenee otava ka teya oshikungulu. Oilya itai kulu nomoilya yavo itamu di oufila. Nonande namu dje oufila, ovanailongo tave u pona po. 8 Israel a ponwa hamudilu. Ove li paife mokati koiwana ngaashi oshiyuma shihe noshilonga. 9 Osheshi ova ya ko kuAsiria va fa ongolo tai likalele. Efraim e likongela ovaholike noimaliwa. 10 Ndele nande nava shingife mokati koiwana, ohandi ke va ongela paife, ndele otava ka ninipikwa omolwoudjuu womafendelo omalenga ohamba. 11 Osheshi Efraim a hapupalifa eealtari opo a kale nokunyona. Oiyambelo oya ninga oulunde kuye. 12 Onde mu shangela eemhango omayovi omilongo, ndelenee oda talwa dokoilongo. 13 Ohava yambe ombelela etomenoyambo lange. Ndele tave i li po. Omwene ine shi hokwa. Paife ota ka dimbulukwa owii wavo, ndele ta handukile omatimba avo. Ove nokushuna kuEgipiti.
14 Israel eshi a dimbwa Omushiti waye, ndele a tunga eengulu doupuna, naJuda a tunga oilandohote ihapu ya pama, onghee ohandi ka tuma omundilo koilando yaye, ndele oo tau ka xwika po eengulu daye doupuna.
