Okutseya uuyuuki nokukala pamikalo
1 Ngele owa kuutumba, opo u lye pamwe nomukwaniilwa, tala nawa kutya olye mwa talathana naye. 2 Tula omwele pomuligu gwoye, ngoye ngele owa lumba. 3 Iikulya ye iitoye ino yi haluka, oshoka oyo omwigo gwe ku lukililwa.
4 Ino ihepeka nuuyamba, etha oondunge dhe u ihalela. 5 Omeho goye ngele taga lambele omaliko, otaga pepuka po. Otagi izaleke omawawa notaga tukile kegulu ga fa ekodhi.
6 Oshithima shaangoka e ku sila efupa ino shi lya, ngoye ino haluka iikulya ye iitoye. 7 Oshoka ngaashi ta dhiladhila momwenyo gwe, osho e li. Ote ku lombwele ta ti: “Lya, nwa,” ihe omwenyo gwe inagu gama kungoye. 8 Onkanko ndjoka wa li, oto yi kungu ko, noohapu dhoye oombwanawa we dhi hepitha.
9 Ino popya montaneho yegoya, oshoka otali ka dhina oohapu dhoye dhoondunge.
10 Ongamba yoshitonale ino yi lundulula tuu, ngoye ino itendela oshimpungu mepya lyoothigwa. 11 Oshoka Omupopili gwawo omunankondo, ote ke ya popila te ku galukile.
12 Omwenyo gwoye gu gameka keputudho nokutsi kwoye koohapu dhuunongo.
13 Ino sa ohenda okugeela omumwoyemati. Ngele to mu dhenge nolunwa, ota hupithwa meso. 14 Oto mu dhenge naanaa noshimwati, ihe omwenyo gwe oto gu hupitha meso.
15 Mumwandje, omwenyo gwoye ngele tagu ningi oondunge, nena omwenyo gwandje otagu nyanyukwa; 16 omutima gwandje otagu ligola, ngele omilungu dhoye tadhi popi shoka shu uka.
17 Omwenyo gwoye inagu sila aalunde efupa, ihe kala aluhe mokutila Omuwa. 18 Nena ngoye ou na elago konakuyiwa, netegameno lyoye itali ponyo.
19 Mumwandje, pulakena u ninge oondunge, ngoye u lemene omwenyo gwoye mondjila yu uka. 20 Ino kala mokati kaanwi yomaviinu nokaamboka ya vuka okulya onyama. 21 Oshoka onkolwi nomufukedhi otaa adhika koluhepo, uunanyalo otau zalitha omuntu oonguwo dhiinyanyu.
22 Pulakena ho ngoka e ku vala, ngoye ino dhina nyoko sho a kulupa.
23 Ilandela oshili, ihe ino yi landitha po we, landa wo owino, eputuko noondunge.
24 He yomuyuuki ota ligola unene; naangoka a vala omunandunge, ote mu nyanyukilwa.
25 Nyanyudha ho nanyoko, mboka ye ku vala.
26 Mumwandje, pe ndje omutima gwoye, nomeho goye naga hokwe oondjila dhandje. 27 Oshoka ohonda oyo olumbogo olule, nomukiintu gwiipala oye onyombo ya thinana. 28 Ota langele ngashika omuyugi e ta taandelitha eiteko mokati kaantu.
29 Olye ngoka ta ti: “Wuwuu!” Nolye ta takuma? Oontamanana odhalye nomayemato ogalye? Olye a tosholwa iilalo yaa na mutse nandungu? Naangoka e na omeho ga tsiyala, olye? 30 Oyo mboka haa tokelwa pomaviinu, oomboka haa yi mo ya makele ondungila. 31 Ino tala omaviinu nkene ga tiligana, nkene taga konita nawa moshitenga notaga thenukile mo nawa. 32 Pehulilo otaga lumata ga fa eyoka notaga kungu uuzigo ga fa ongolonyoka. 33 Omeho goye otaga ningi omahaluhalu giihuna, nomwenyo gwoye tagu fafaeke iinima iingwangwaneki. 34 Oto ka kala wa fa omuntu a lala mokati kefuta, wa fa omuntu a tsilikwa kondungu yombondje yosikepa. 35 Oto ti owala: “Oya dhenge ndje, ihe itandi ehama; oya kopagula ndje, ngaye inandi shi koneka! Uunake tandi kololokwa? Nena otandi ke ga kongulula.”
Omapukululo ovanongo
1 Ove ngeenge ho kala omutumba okulya pamwe nomupangeli, didilika nawa ou e li koshipala shoye, 2 ndele tula ombele pofingo yoye, ngeenge wa hala okuhakana. 3 Ino haluka eendja daye dinyenye, osheshi odo eendja dekengelelo. 4 Ino lipyakidikila u ninge oshipuna, efa okulongifa eendunge doye moshinima eshi. 5 Omesho oye eshi a wile ko, oupuna uhe po, osheshi divadiva wa mona omavava ndele tau tuka ngaashi onhwa keulu. 6 Ino lya omungome waau e ku yele, ndele ino haluka eendja daye dinyenye. 7 Osheshi ngaashi ta diladila momwenyo waye, osho e li. Osho te ku lombwele: “Lya, nwa,” ndelenee omutima waye kau li pamwe naave. 8 Oshipambu we shi lya, u noku shi kunga mo; neendjovo doye doukaume we di hepifa ashike.
9 Ino popya momatwi elai, osheshi eendunge domeendjovo doye otali di dini. 10 Ino lundulula omufinda wongaba, ndele ino ya komapya eefiye. 11 Osheshi Omukulili wado e neenghono, Ye ota ka popila eendjovo dado kwoove. 12 Omutima woye, u eta moutekuduliko nokutwi kwoye keendjovo deshiivo. 13 Omona woye omumati ino mu fila onghenda oku mu handukila. Ngeenge to mu dengifa oshimwati, ye ita ka fya. 14 Ove to denge tuu oshimwati, ndelenee ove to xupifa omwenyo waye moshovafi. 15 Omumwange, omutima woye ngeenge tau mono ounongo, opo nee omutima wange yo otau hafe. 16 Neefiyo dange tadi kuwilile, omilungu doye ngeenge tadi popi odo da yuka.
17 Omutima woye uha fye efupa molwovahenakalunga, ndelenee kala efiku alishe mokutila Omwene. 18 Osheshi oshili oku nefimbo lokomesho, neteelelo loye itali ka hepa ngaho.
19 Omumwange, uda, u mone eendunge, yukifa omutima woye u yukilile mondjila. 20 Ino kala mokati kaava hava finyuna omaviinyu, hamokati kaava va duka okulya ombelela. 21 Osheshi omufinyuni nomufukedi otava ka ninga eehepele, nomukumuki ta ka djala oikutu yoinyanyu.
22 Pwilikina xo, ou e ku dala, ndele ino dina nyoko, eshi a kulupa. 23 Landa oshili, ino i landifa po; nosho yo ounongo, noutekuduliko neendunge. 24 Xe yomuyuki ota hafe pombada; naau a dala omunongo, ye ote mu nyakukilwa 25 Hafifa xo nanyoko, naau e ku dala, mu nyakukifa pombada. 26 Omumwange, pe nge omutima woye, omesho oye naa hokwe eendjila dange. 27 Osheshi ombwada oyo elambo lile, nomukainhu omuhaelwa oye ondungu ya finana. 28 Ye ota nangala ndele ta holamene ngaashi omulunga ndele ta hapupalifa ovaliteeki mokati kovanhu.
29 Umwe ta ti: “Akutu!” Nomukwao: “Woo ame!” Umwe e neemhata. Umwe vali ta keme. Umwe e noipute nande ina nyona sha. Umwe vali e nomesho a wiwika. 30 Ovo ava hava kala efimbo lile pomaviinyu, ovo hava i mo va ka makele oikunwa ya lumbakanifwa. 31 Ino tala omaviinyu nhumbi a tilyana, nhumbi taa wapala meholo, ndele taa fenungutile mo. 32 Pexulilo otaa lumata ngaashi eyoka, ndele taa fiile mo oudiyo ngaashi ongolonyoka. 33 Omesho oye otaa ka mona oinima yoikumwifa, nomutima woye tau ka popya oinima inai yuka, 34 ndele to ka kala ngaashi ou ta nangala meni lefuta mwi, ile ngaashi ou ta nangala koxulo yombodje yoskepa. 35 Ye ta ti: “Vo ova denga nge, ndelenee inandi uda ouyehame, Vo ova denga nge poshi, ame inandi shi dimbulukwa! Onaini handi ka papuduka? Opo nee handi ke a konga vali.”