Eidhidhimiko nombili
1 Aakolokoshi ino ya sila efupa, ngoye ino hala okukala pamwe nayo. 2 Oomwenyo dhawo ohadhi dhiladhila iikolokosha, nomilungu dhawo otadhi eta iihuna.
3 Egumbo otali tungwa po kowino, nokoondunge tali kala po lya kola; 4 okuunongo oondunda dhalyo tadhi udhithwa omaliko gi ili nogi ili ge na ondilo nogo opala.
5 Omunawino okwa kola, nomunongo ota koko moonkondo. 6 Oshoka komayele oto vulu okuhinga iita yelago, nesindano oli li maagandjindunge oyendji.
7 Owino oyi li omugoya pombanda, moshigongi shoposheelo shoshilando ita makula okana ke.
8 Ngoka ta dhiladhila okulonga uuwinayi, ota lukwa omuniineya. 9 Iipogo otayi zi momatokolo guulayi, nomusheki oye iihuna koshipala shaantu.
10 Ngele to tenguka pethimbo lyuudhigu, nena oonkondo dhoye oonshona ngiini!
11 Hupitha mboka taa falwa konakupila, galula mboka taa tantala yu uka koshidhipagelo. 12 Ngele to ti: “Tala, tse inatu shi tseya,” omukonakoni gwomitima okwe shi koneka. Ngoka ta dhiginine omwenyo gwoye, oku shi shi. Oye nota pe kehe tuu ngoka shi thike piilonga ye.
13 Mumwandje, lya omagadhi goonyushi, oshoka omatoye, noshinuwa shomomagadhi goonyushi oshitoye kondakona yoye. 14 Shi tseya kutya owino osho yi lile po omwenyo gwoye; ngele we yi likola, nena ou na elago konakuyiwa, netegameno lyoye itali ponyo.
15 Omukeenakalunga ngoye, ino langela egumbo lyomuyuuki, ino hanagula po onkalelo ye. 16 Oshoka omuyuuki nando ota gwile po luheyali, ota yambuka po, ihe omukeenakalunga ota ka tengukila momupya.
17 Ino nyanyukwa, omutondi gwoye ngele ta gwile po; nongele ta tenguka, inashi ligolitha omutima gwoye, 18 opo Omuwa kee shi mone, nopamwe otashi kala shi ipa momeho ge, nondjahi ye yi ze ko kuye.
19 Ino dhimuka omolwaakolokoshi, ngoye ino sila aakaanakalunga efupa. 20 Oshoka omukolokoshi ke na elago konakuyiwa, olamba yaakaanakalunga otayi dhimi po.
21 Mumwandje, tila Omuwa nomukwaniilwa, ino itula paatsindumbo. 22 Oshoka omupya gwawo otagu tukuluka ombaadhilila, nehulilo lyomimvo dhawo olye e li tseya?
Okutomona owino ishewe
23 Omayeletumbulo ngaka oga za kaanandunge.
Okukala nolutandu moompangu osha puka. 24 Ngoka ta lombwele omusama ta ti: “Ou li mondjila,” iigwana otayi mu thingi, omihoko otadhi mu tula omutima. 25 Ihe mboka ihaa ningile mo, otaa kala nawa, neyambeko lyelago tali ya lambele.
26 Ngoka ta yamukula nawa, oongoka ta thipi komilungu.
27 Opaleka iilonga yoye pondje, ngoye u tule epya lyoye melandulathano; opo ihe oto ka tunga egumbo lyoye.
28 Ino ninga omupulakeneni gwamukweni osima yowala; nenge u mu kengelele nomilungu dhoye. 29 Ino tya: “Ngaashi a ningile ndje, osho tandi ke mu ningila, omuntu otandi mu longele ngaashi i ilongela.”
30 Onda pitile mepya lyomunanyalo, polwamba lwoshitsambe shomuntu kee na oondunge. 31 Olya li lyu udha oondjoho, eputa lyalyo lya sa oongwena nenkolo lyalyo lya kumuka po. 32 Onde li tala nonda ndhindhilike, onde li lengalenga nondi ilongele ko: 33 Lala utale kashona, ifudhika po, ihukata utale, 34 nena oluhepo talu ku nukile ngomuyugi, nuuthigona ongomulumentu a homata.
1 Ino fila ovanawii efupa, ndele ino hala okukala pamwe navo. 2 Osheshi omutima wavo tau diladila oukolokoshi nomilungu davo tadi popi enyonauko. 3 Eumbo tali dikwa nomayele, ndele tali pamekwa neendunge. 4 Ndele mokushiiva omalimba taa yadifwa noinima i lili nai lili iwa i nondilo.
5 Omulumenhu omunongo e neenghono, nomulumenhu e neshiivo ota hapupalifa eenghono. 6 Osheshi molwokudiladila nawa to dulu okushinga oita, nouhapu wovapukululi tau eta efindano. 7 Ounongo otau kalele elai kombadeelela. Itali makula okanya kalo moshivelo.
8 Ou ta diladila okuninga owii, ota ifanwa omunauketuketu. 9 Enyono olo oshilonga shoulai, nomusheki oye oixuna kovanhu. 10 Ngeenge wa monika wa fya ounye, efiku loluhepo eenghono doye tadi ka ninipala.
11 Xupifa ava hava twalwa kokufya, naava hava pungaukile koshidipaelo, va kanghameka. 12 Ove ngeenge to ti: “Tala, twa li inatu shi shiiva”, Ye, ou ha konakona omutima, ine shi didilika? Naau ta nangele omwenyo woye, e shi shii. Ndele Ye ota pe omunhu pailonga yaye.
13 Omumwange, lya omaadi eenyiki, osheshi oo omawa, nomalodu omaadi eenyiki, osheshi oo manyenye kondakona yoye. 14 Didilika hano, ounongo osho u li yo komwenyo woye. Ngeenge to u mono, ove u nefimbo lokomesho neteelelo loye itali ka ninga longaho.
15 Omuhenakalunga ove, ino nangela eumbo lomuyuki, ino hanauna po onhele yaye yetulumuko. 16 Osheshi luheyali omuyuki ta punduka ndele ta penduka vali, ndelenee ovahenakalunga tava ka wila momupya. 17 Ino hafa, omutondadi woye ngeenge ta wile po. Ndele ino kuwilila komwenyo, ye ngeenge ta punduka, 18 Opo Omwene ehe shi dimbulukwe, ndele sho itashi yuka momesho aye, ndele ta kandula po puye ehandu laye.
19 Ino handuka omolwovanawii; ino fila ovahenakalunga efupa. 20 Osheshi ovanawii vehe nefimbo lokomesho nolamba yovahenakalunga tai dimi.
21 Omumwange, tila Omwene nohamba, ino litula povakolokoshi. 22 Osheshi divadiva omupya tau va hange, nexulilo lomido davo, olyelye e shi shii, onaini.
23 Edi yo eendjovo dovalumenhu ovanongo: Inashi yuka okukala nokatongotongo moihokolola. 24 Ou ta lombwele omunamatimba: “Ove u nounongo!” Ovanhu otave mu tula omutima, noiwana tai mu fingi. 25 Ndelenee ava hava tokola vehe nokatongotongo, otava ka kala nawa, ndele tava ka mona elao nenangeko noupuna. 26 Ou e nenyamukulo la yuka, ye ota xupitwa komilungu.
27 Longa nokuyukifa oilonga yoye pondje ndele longekida epya loye, opo nee to tungu ongulu yoye.
28 Ino hokololifa omushiinda shoye, ehe netimba, ile ho kengelele nomilungu doye. 29 Ino tya: “Ye ngaashi a ningila nge, nosho yo ame ohandi ke mu ningila. Ame ohandi kwatele omulumenhu onghone pailonga yaye.”
30 Ame nda enda pepya lomundede, pomunghulo woshikokola shomiviinyu shomulumenhu omushima, 31 ndele tala, lo oli yadi eeshosholo, la uvikwa kokalilifa, nongubu yalo yomamanya ya hanauka. 32 Ame nde li tala, heeno, nde li didilika shili, nda dimbulukwa ndele nde lilonga: 33 Kofa natango kanininini, fefeleka po okafimbo, nangala natango we litonya, 34 opo nee oluhepo tali ku nhukile meemhumbwe doye ngaashi omulumenhu a dililwa.
