Okupula ekwatho
Egalikano lyaDavid
1 Omuwa, pulakena e to yamukula ndje,
oshoka ngame ohepele nomukwanaluhepo.
2 Gamena ndje, oshoka ondi igameka kungoye.
Ongoye Kalunga kandje,
nangame omupiya gwoye nde ku inekela.
3 Omuwa, sila ndje ohenda;
otandi ku indile esiku alihe.
4 Omuwa, nyanyudha omupiya gwoye,
oshoka omagalikano gandje
otaga yelukile kungoye.
5 Omuwa, ongoye omunalukeno noho tu dhimine po;
ou na esilohenda kumboka taye ku indile.
6 Omuwa, uva egalikano lyandje;
otandi lili, ndi silwe ohenda.
7 Otandi ku ithana ethimbo kehe lyuudhigu,
oshoka oho yamukula omaindilo gandje.
8 Kaku na Kalunga gulwe e ku fa,
Omuwa; kaku na ngo ta longo ngaashi ho longo.
9 Iigwana ayihe mbyoka wa shiti, otayi ke ya e tayi ku tsile oongolo;
otayi ke ku simaneka, Omuwa.
10 Oshoka ongoye omunankondo noho longo iikumitha;
ongoye awike Kalunga.
11 Omuwa, longa ndje, ndi tseye ehalo lyoye,
notandi ka vulika nokukala moshili.
Longa ndje, ndi ku simaneke
nomwenyo aguhe.
12 Omuwa Kalunga kandje,
otandi ku hambelele nomwenyo aguhe;
otandi ka hokolola uunene woye sigo aluhe.
13 Ohole yoye onene ngiini kungame!
Owa hupitha omwenyo gwandje
meso lyo lyene.
14 Kalunga, aanuuntsa otaa kondjitha ndje;
ongundu yaakolokoshi oya hala okudhipaga ndje —
oomboka kaaye na ko na sha nangoye.
15 Ihe ngoye, Omuwa,
ongoye Kalunga omunesilohenda nomunahole,
omwiidhidhimiki, omunalukeno nomwiinekelwa.
16 Tala ndje, u sile ndje ohenda;
tula ndje omukumo e to hupitha ndje,
oshoka ongame omupiya gwoye ngaashi meme a li.
17 Omuwa, ulukila ndje endhindhiliko
tali hololele ndje uuwanawa woye.
Nena aatondi yandje ngele taye shi mono,
otaa si ohoni, sho wa kwatha ndje nowa tsu ndje omukumo.
Eindilo lomufininikwa
Eindilo laDavid.
1 Omwene, endeka okutwi kwoye, u ude nge,
osheshi aame epongo nohepele!
2 Diinina omwenyo wange;
osheshi aame omuyuki;
Kalunga kange, xupifa omupiya woye,
ou te ku lineekele!
3 Omwene, file nge onghenda,
osheshi efiku alishe ohandi ku ifana.
4 Hafifa omwenyo womupiya woye;
osheshi omwenyo wange
ohandi u yelulile kwoove, Omwene.
5 Osheshi Omwene, Ove u nonghedi iwa,
u yadi ekufilo,
Ove u nolukeno naava have ku ifana.
6 Omwene, uda eindilo lange,
yavelela eilikano lange lomokule!
7 Fiku handi hangika koudjuu, ohandi ku ifana,
osheshi Ove ho udu nge.
8 Omwene, moikalunga kamu na umwe e ku fa,
nopehe na eshi sha fa oilonga yoye.
9 Oiwana aishe yovapaani, ngaashi we i shita,
otai ke uya i linyongamene
koshipala shoye, Omwene,
nai fimaneke edina loye;
10 osheshi Oove omunene nomulongi woikumwifa,
Oove auke Kalunga.
11 Omwene, ulikile nge ondjila yoye,
ame ndi ende moshili yoye,
omutima wange u mangeleka mokutila edina loye.
12 Omwene, Kalunga kange,
onda hala oku ku tanga nomutima aushe
nokufimaneka edina loye fiyo alushe.
13 Osheshi ouwanghenda woye
we u ningila nge, ounene;
Ove wa xupifa omwenyo wange moshovafi.
14 Kalunga, ovalundakani ova fikamena nge
netanga lovakolokoshi otali nangele omwenyo wange,
noihave ku tula moipafi yavo.
15 Ndelenee Omwene, Oove omunalukeno
omunanghenda, nomunanheni,
omunene mouwanghenda nomoshili.
16 Talele nge u file nge onghenda;
pa omupiya woye eenghono doye,
Ove u xupife nge, aame omona omumati
womupiya woye okakadona.
17 Tule nge oshidimbulukifo shouwa,
ovatondi vange ve shi mone, nova fifwe ohoni,
nokutya Omwene, Oove ekwafo lange
nehekeleko lange.
