Efyo laSaul nolovana vaye ovalumenhu
1 Ndele Ovafilisti va lwifa Ovaisraeli, novakwaita vOvaisraeli va ya onhapo Ovafilisti, oimhu yovadipawa ya nangala keemhunda daGilboa. 2 NOvafilisti va shikula Saul novana vaye ovalumenhu, nOvafilisti va dipaa Jonatan naAbinadab naMalkisua, ovana vaSaul. 3 Nolwoodi eshi la ninga lidjuu mokulwifa Saul, novaumbi vomauta ve mu yasha, Saul okwa kakama omolwetilo lokutila ovaumbi. 4 Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo ava inava pita etanda, vaha sheke nge.” Ndelenee omuhumbati woiti ina hala, osheshi kwa li a tila unene. Opo nee Saul a kufa eongamukonda nokwe liundwila kulo. 5 Omuhumbati woiti yaye eshi a mona nokutya, Saul okwa fya, naye mwene yo te liundwile keongamukonda laye ndele ta fi. 6 Osho ngaha hano Saul novana vaye ovalumenhu vatatu ova fya. Neumbo laye alishe la fya oshita. 7 Novalumenhu aveshe Ovaisraeli, ovo va li momaluhaela, eshi va mona nokutya, venya va ya onhapo, naSaul novana vaye va fya, ova efa oilando yavo ndele va ya onhapo. NOvafilisti ve uya mo ndele ve i nangala.
8 NOvafilisti eshi ve uya mefiku la shikula okudula ovadipawa, ova mona Saul novana vaye ovalumenhu va wila keemhunda daGilboa. 9 Opo nee ve mu dula, va teta ko omutwe waye ndele va kufa oiti yaye ndele ve i tuma koshilongo shOvafilisti, va etele oikalunga yavo novanhu ondaka yehafo. 10 Konima va tula oiti yaye motembeli yoshikalunga shavo Dagon. Nomutwe waye ve u valelifa motembeli yaDagon. 11 Ovajabes aveshe vomuGilead, eshi va uda osho Ovafilisti va ningila Saul, 12 ovalumenhu aveshe ovaladi va fikama ndele va kufa oshimhu shaSaul noimhu yovana vaye ovalumenhu, ndele ve i eta kuJabes, ndele va paka omakipa avo pomwandi womuJabes, ndele tave lidilike omafiku aheyali. 13 Ndele Saul okwa fya omolweliteeko, eshi e liteeka Omwene, molweendjovo dOmwene ine di diinina, nashaashi a pula ounongo komhepo yomufi, 14 ndelenee ina pula kOmwene. Onghee hano Omwene e mu dipaa, nokwa yandja ouhamba kuDavid yaIsai.
Efyo laSaul nolovana vaye ovalumenhu
1 Ndele Ovafilisti va lwifa Ovaisraeli, novakwaita vOvaisraeli va ya onhapo Ovafilisti, oimhu yovadipawa ya nangala keemhunda daGilboa. 2 NOvafilisti va shikula Saul novana vaye ovalumenhu, nOvafilisti va dipaa Jonatan naAbinadab naMalkisua, ovana vaSaul. 3 Nolwoodi eshi la ninga lidjuu mokulwifa Saul, novaumbi vomauta ve mu yasha, Saul okwa kakama omolwetilo lokutila ovaumbi. 4 Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo ava inava pita etanda, vaha sheke nge.” Ndelenee omuhumbati woiti ina hala, osheshi kwa li a tila unene. Opo nee Saul a kufa eongamukonda nokwe liundwila kulo. 5 Omuhumbati woiti yaye eshi a mona nokutya, Saul okwa fya, naye mwene yo te liundwile keongamukonda laye ndele ta fi. 6 Osho ngaha hano Saul novana vaye ovalumenhu vatatu ova fya. Neumbo laye alishe la fya oshita. 7 Novalumenhu aveshe Ovaisraeli, ovo va li momaluhaela, eshi va mona nokutya, venya va ya onhapo, naSaul novana vaye va fya, ova efa oilando yavo ndele va ya onhapo. NOvafilisti ve uya mo ndele ve i nangala.
8 NOvafilisti eshi ve uya mefiku la shikula okudula ovadipawa, ova mona Saul novana vaye ovalumenhu va wila keemhunda daGilboa. 9 Opo nee ve mu dula, va teta ko omutwe waye ndele va kufa oiti yaye ndele ve i tuma koshilongo shOvafilisti, va etele oikalunga yavo novanhu ondaka yehafo. 10 Konima va tula oiti yaye motembeli yoshikalunga shavo Dagon. Nomutwe waye ve u valelifa motembeli yaDagon. 11 Ovajabes aveshe vomuGilead, eshi va uda osho Ovafilisti va ningila Saul, 12 ovalumenhu aveshe ovaladi va fikama ndele va kufa oshimhu shaSaul noimhu yovana vaye ovalumenhu, ndele ve i eta kuJabes, ndele va paka omakipa avo pomwandi womuJabes, ndele tave lidilike omafiku aheyali. 13 Ndele Saul okwa fya omolweliteeko, eshi e liteeka Omwene, molweendjovo dOmwene ine di diinina, nashaashi a pula ounongo komhepo yomufi, 14 ndelenee ina pula kOmwene. Onghee hano Omwene e mu dipaa, nokwa yandja ouhamba kuDavid yaIsai.
