Eilikano molwetandavelo levaengeli
1 Ndele natango, ovamwatate nye, tu ilikaneneni, opo ondjovo yOmwene i tondoke i ka fimanekwe pamwe ngaashi punye, 2 nafye opo tu xupifwe kovapwidi novai, osheshi eitavelo kali fi lomunhu keshe. 3 Ndelenee Omwene Oye omudiinini; Oye te mu pameke ndele te mu amene kowii. 4 Nohatu mu lineekele mOmwene, nokutya, otamu ningi paife nokomesho yo oinima oyo twe i mu lombwela, 5 NOmwene na yukife omitima deni mohole yaKalunga nomelididimiko laKristus.
Kukumeni ovambodo Diinineni oilonga yeni
6 Ndelenee medina lOmwene wetu Jesus Kristus ohatu mu lombwele, Ovamwatate nye, mu amuke kukeshe tuu omumwatate ta ende moupote ndele iha shikula omapukululo oo mwe a pewa kufye. 7 Nanye vene omu shi shii nhumbi tu nokuhopaelelwa kunye, osheshi inatu kala mo nokukala ovahefi mokati keni; 8 fye kakwa li twa lya omungome oshali pomunhu nande umwe, ndele otwa kala nokulonga noudjuu oufiku nomutenya, tuha twike nande umwe mokati keni oudjuu. 9 Inatu shi ninga, tuhe neenghono ngeno oku shi ninga, ndelenee otwa hala oku mu pa oshihopaelelwa mu tu hopaelele. 10 Osheshi fimbo twa li punye, otwe shi mu lombwela nokutya: “Ou ina hala okulonga, ina lya yo nande.”
11 Ndele ohatu udu oku na vamwe vomokati keni hava ende monyalo, kave na eshi tava longo, otava shelemba ashike. 12 Ava ve li ngaha ohatu va lombwele nohatu va kumaida mOmwene Jesus Kristus, va kale nokulonga nokungungumana va lye omungome wavo vene. 13 Ndelenee onye, ovamwatate, mokulonga ouwa inamu fya ounye.
14 Ndele ngeenge oku na ou iha udu ko eendjovo detu monhumwafo ei, mu didilikeni, nye inamu endafana naye, opo a fye ohoni. 15 Ndele inamu mu tala ngaashi omutondadi weni, ndele mu pukululeni ngaashi omumwaxo.
16 Ndele Oye, Omwene wombili, ne mu pe ombili alushe opaenghedi adishe. Omwene na kale nanye amushe.
17 Omakundilo ange neke lange mwene Paulus, olo edidiliko lange meenhumwafo dange adishe, osho ngaha handi shange. 18 Efilonghenda lOmwene wetu Jesus Kristus nali kale nanye amushe! Amen.
Eilikano molwetandavelo levaengeli
1 Ndele natango, ovamwatate nye, tu ilikaneneni, opo ondjovo yOmwene i tondoke i ka fimanekwe pamwe ngaashi punye, 2 nafye opo tu xupifwe kovapwidi novai, osheshi eitavelo kali fi lomunhu keshe. 3 Ndelenee Omwene Oye omudiinini; Oye te mu pameke ndele te mu amene kowii. 4 Nohatu mu lineekele mOmwene, nokutya, otamu ningi paife nokomesho yo oinima oyo twe i mu lombwela, 5 NOmwene na yukife omitima deni mohole yaKalunga nomelididimiko laKristus.
Kukumeni ovambodo Diinineni oilonga yeni
6 Ndelenee medina lOmwene wetu Jesus Kristus ohatu mu lombwele, Ovamwatate nye, mu amuke kukeshe tuu omumwatate ta ende moupote ndele iha shikula omapukululo oo mwe a pewa kufye. 7 Nanye vene omu shi shii nhumbi tu nokuhopaelelwa kunye, osheshi inatu kala mo nokukala ovahefi mokati keni; 8 fye kakwa li twa lya omungome oshali pomunhu nande umwe, ndele otwa kala nokulonga noudjuu oufiku nomutenya, tuha twike nande umwe mokati keni oudjuu. 9 Inatu shi ninga, tuhe neenghono ngeno oku shi ninga, ndelenee otwa hala oku mu pa oshihopaelelwa mu tu hopaelele. 10 Osheshi fimbo twa li punye, otwe shi mu lombwela nokutya: “Ou ina hala okulonga, ina lya yo nande.”
11 Ndele ohatu udu oku na vamwe vomokati keni hava ende monyalo, kave na eshi tava longo, otava shelemba ashike. 12 Ava ve li ngaha ohatu va lombwele nohatu va kumaida mOmwene Jesus Kristus, va kale nokulonga nokungungumana va lye omungome wavo vene. 13 Ndelenee onye, ovamwatate, mokulonga ouwa inamu fya ounye.
14 Ndele ngeenge oku na ou iha udu ko eendjovo detu monhumwafo ei, mu didilikeni, nye inamu endafana naye, opo a fye ohoni. 15 Ndele inamu mu tala ngaashi omutondadi weni, ndele mu pukululeni ngaashi omumwaxo.
16 Ndele Oye, Omwene wombili, ne mu pe ombili alushe opaenghedi adishe. Omwene na kale nanye amushe.
17 Omakundilo ange neke lange mwene Paulus, olo edidiliko lange meenhumwafo dange adishe, osho ngaha handi shange. 18 Efilonghenda lOmwene wetu Jesus Kristus nali kale nanye amushe! Amen.
