Eindilo mefimbo loita
Eimbilo laDavid, la pewa enyakwa lolwiimbo, mongovela yEpsalome: ‘Onhemo yomado oundobwedi’, li longwe; tali popi efimbo olo a shingile oita nOvaaramea vomuSoba, ndele Joab a aluka ko, a denga Ovaedom mEfilu lOmongwa; ava va dipawa omayovi omulongo naavali.
1 Akutu Kalunga, Ove we tu ekelashi,
we tu halakanifa, wa handuka.
Tu alulila po natango!
2 Edu owe li kakamifa, owe li taula omifya.
Ove fitika omifya dalo,
osheshi oli li po tali tengauka.
3 Oshiwana shoye owa efa, shi monifwe oudjuu,
we tu nwefa oshikolwifa.
4 Ovatili voye, owe va pa epandela
opo va ongale meameno lalo komauta. Sela
5 Tu kwafa nolulyo loye, ovaholike voye fye,
opo tu xupifwe; tu uda.
6 Mouyapuki waye Kalunga okwa tonga ta ti:
“Nomokunyakukwa ohandi taula Sekem
nohandi yeleke efilu laSukkot.
7 Gilead oshange, naManasse oshange,
naEfraim oshange oshikelelifombale shokomutwe wange,
naJuda odibo yepangelo lange.
8 Moab oshiyaxa shange shokulikoshela,
kombada yaEdom ohandi ekele ko eenghaku dange;
nohandi nyakukilwa Filistia.”
9 Olyelye ta twala nge mbela koshilando sha pama?
Olyelye wokufindikila nge kuEdom?
10 Haave, ou we tu ekelashi,
Kalunga, haave ito ende vali
pamwe neengudu dovakwaita detu?
11 Tu xupifa kovatondi vetu;
osheshi ekwafo lomunhu olongaho.
12 Pamwe naKalunga ohatu ka ninga oilonganghono,
nOye mwene ota ka lyataula ovatondi vetu.
Eindilo mefimbo loita
Eimbilo laDavid, la pewa enyakwa lolwiimbo, mongovela yEpsalome: ‘Onhemo yomado oundobwedi’, li longwe; tali popi efimbo olo a shingile oita nOvaaramea vomuSoba, ndele Joab a aluka ko, a denga Ovaedom mEfilu lOmongwa; ava va dipawa omayovi omulongo naavali.
1 Akutu Kalunga, Ove we tu ekelashi,
we tu halakanifa, wa handuka.
Tu alulila po natango!
2 Edu owe li kakamifa, owe li taula omifya.
Ove fitika omifya dalo,
osheshi oli li po tali tengauka.
3 Oshiwana shoye owa efa, shi monifwe oudjuu,
we tu nwefa oshikolwifa.
4 Ovatili voye, owe va pa epandela
opo va ongale meameno lalo komauta. Sela
5 Tu kwafa nolulyo loye, ovaholike voye fye,
opo tu xupifwe; tu uda.
6 Mouyapuki waye Kalunga okwa tonga ta ti:
“Nomokunyakukwa ohandi taula Sekem
nohandi yeleke efilu laSukkot.
7 Gilead oshange, naManasse oshange,
naEfraim oshange oshikelelifombale shokomutwe wange,
naJuda odibo yepangelo lange.
8 Moab oshiyaxa shange shokulikoshela,
kombada yaEdom ohandi ekele ko eenghaku dange;
nohandi nyakukilwa Filistia.”
9 Olyelye ta twala nge mbela koshilando sha pama?
Olyelye wokufindikila nge kuEdom?
10 Haave, ou we tu ekelashi,
Kalunga, haave ito ende vali
pamwe neengudu dovakwaita detu?
11 Tu xupifa kovatondi vetu;
osheshi ekwafo lomunhu olongaho.
12 Pamwe naKalunga ohatu ka ninga oilonganghono,
nOye mwene ota ka lyataula ovatondi vetu.
