Elihu ta popi
1 Opo nee ovalumenhu ava vatatu va mwena, inava nyamukula vali Job, shaashi ye kwa li omuyuki momesho aye mwene. 2 Nehandu laElihu yaBarakel, Omubusi, womepata laRam, ola xwama. Ehandu laye la xwamena Job, shaashi ye e litala omuyuki koshipala shaKalunga. 3 Ehandu laye la xwamena yo ookaume kaye vatatu, shaashi inava mona enyamukulo lokutomha Job. 4 Ndelenee Elihu okwa teelela olufo laye lokupopya naJob, osheshi venya va li ovakulunhu; ve mu dule. 5 Ndelenee Elihu eshi a mona nokutya, ovalumenhu venya vatatu va li vehe na vali oshitya shenyamukulo momakanya avo, ehandu laye la xwama.
6 Ndele Elihu yaBarakel, Omubusi, okwa hovela ndele ta ti:
“Aame omunyasha, nye ovaxungu veenghwakutoka. Onghee hano nda mbadapala ndele nda tila oku mu hololela eshiivo lange. 7 Nda diladila: ‘Oukulunhu nau popye, ouhapu womido nau udife ounongo.’ 8 Ndelenee omhepo yomomunhu nomufudo wOmunaenghono adishe tau va pe eendunge. 9 Havaxungu ve nounongo nongaashi haava aveke va kulupa ve neendunge okushiiva ouyuki. 10 Onghee hano handi ti: Pwilikinei nge. Naame yo nda hala okuholola eshiivo lange. 11 Taleni, ame nda teelela eendjovo deni. Nda li nda hala okuuda eendjovo deni deendunge, fiyo mu mone eendjovo da yuka. 12 Ndele nde mu taalela. Nde taleni, nande umwe a tomha Job, nande umwe a dula okunyamukula eendjovo daye. 13 Inamu tya: ‘Twe litwa mounongo woovene, Kalunga aeke ta dulu oku mu tomha, hamunhu.’ 14 Ina popya eendjovo di nondubo naame, ame inandi hala oku mu nyamukula neendjovo deni.
15 “Vo ova kuminwa. Itava nyamukula vali. Eendjovo davo da xula po. 16 Ame ndi teelele vali, vo eshi itava popi, vo eshi hava kala ofika itava nyamukula vali. 17 Naame yo nda hala okunyamukula kombinga yange, naame yo handi holola eshi ndi shii. 18 Osheshi ndi yadi ndo eendjovo, omhepo yomonhulo yange tai fininike nge. 19 Tala, onhulo yange i li ngaashi omaviinyu a fitikwa, ngaashi ombao ipe ya nyika kutenda omufya. 20 Ame nda hala okupopya ndi pupale, okumakula omilungu dange nokunyamukula. 21 Ame inandi hala okukala ndi nokatongotongo ndele ihandi heke nande omunhu. 22 Osheshi inandi shiiva okuheka, osheshi Omushiti wange ngeno ta kufa nge po divadiva.
Elihu ta popi
1 Opo nee ovalumenhu ava vatatu va mwena, inava nyamukula vali Job, shaashi ye kwa li omuyuki momesho aye mwene. 2 Nehandu laElihu yaBarakel, Omubusi, womepata laRam, ola xwama. Ehandu laye la xwamena Job, shaashi ye e litala omuyuki koshipala shaKalunga. 3 Ehandu laye la xwamena yo ookaume kaye vatatu, shaashi inava mona enyamukulo lokutomha Job. 4 Ndelenee Elihu okwa teelela olufo laye lokupopya naJob, osheshi venya va li ovakulunhu; ve mu dule. 5 Ndelenee Elihu eshi a mona nokutya, ovalumenhu venya vatatu va li vehe na vali oshitya shenyamukulo momakanya avo, ehandu laye la xwama.
6 Ndele Elihu yaBarakel, Omubusi, okwa hovela ndele ta ti:
“Aame omunyasha, nye ovaxungu veenghwakutoka. Onghee hano nda mbadapala ndele nda tila oku mu hololela eshiivo lange. 7 Nda diladila: ‘Oukulunhu nau popye, ouhapu womido nau udife ounongo.’ 8 Ndelenee omhepo yomomunhu nomufudo wOmunaenghono adishe tau va pe eendunge. 9 Havaxungu ve nounongo nongaashi haava aveke va kulupa ve neendunge okushiiva ouyuki. 10 Onghee hano handi ti: Pwilikinei nge. Naame yo nda hala okuholola eshiivo lange. 11 Taleni, ame nda teelela eendjovo deni. Nda li nda hala okuuda eendjovo deni deendunge, fiyo mu mone eendjovo da yuka. 12 Ndele nde mu taalela. Nde taleni, nande umwe a tomha Job, nande umwe a dula okunyamukula eendjovo daye. 13 Inamu tya: ‘Twe litwa mounongo woovene, Kalunga aeke ta dulu oku mu tomha, hamunhu.’ 14 Ina popya eendjovo di nondubo naame, ame inandi hala oku mu nyamukula neendjovo deni.
15 “Vo ova kuminwa. Itava nyamukula vali. Eendjovo davo da xula po. 16 Ame ndi teelele vali, vo eshi itava popi, vo eshi hava kala ofika itava nyamukula vali. 17 Naame yo nda hala okunyamukula kombinga yange, naame yo handi holola eshi ndi shii. 18 Osheshi ndi yadi ndo eendjovo, omhepo yomonhulo yange tai fininike nge. 19 Tala, onhulo yange i li ngaashi omaviinyu a fitikwa, ngaashi ombao ipe ya nyika kutenda omufya. 20 Ame nda hala okupopya ndi pupale, okumakula omilungu dange nokunyamukula. 21 Ame inandi hala okukala ndi nokatongotongo ndele ihandi heke nande omunhu. 22 Osheshi inandi shiiva okuheka, osheshi Omushiti wange ngeno ta kufa nge po divadiva.
