Naeman ta velulwa oshilundu
1 Ndele Naeman, ondjai yohamba yaAram, okwa li omulumenhu a fimana koshipala shomwene waye nokwa tumbalekwa kovanhu. Osheshi omolwaye Omwene okwa yandja kOvaarami efindano. Nomulumenhu okwa li omukwaita omuladi, ndelenee okwa li omunashilundu. 2 NOvaarami va ya komwiila ndele va kwata onghwate okakadona kanini moshilongo shaIsrael oko ka ninga omuyakuli womwalikadi waNaeman. 3 Ndele oka ka lombwela omwene wako omwalikadi taka ti: “Ngeno omwene wange okwa ile komuxunganeki winya e li muSamaria, sha dulika winya ta kufa po oudu waye woshilundu.” 4 Opo nee ye ta i mo ndele ta shiivifile omwene waye ndele ta ti: “Osho ngaha okakadona ka popya, aka ka dja moshilongo shaIsrael.” 5 Nohamba yaAram tai ti: “Inda hano, ame nda hala okutumina ohamba yaIsrael onhumwafo.” Nokwa ya noitalenti omulongo yoisiliveli neesekeli 6000 doshingoldo noikutu omulongo. 6 Ndele ta twalele ohamba yaIsrael onhumwafo tai ti ngaha: “Pamwe nonhumwafo ei ame ohandi ku tumine paife omupiya wange Naeman, opo u kufe po oudu waye woshilundu.” 7 Ohamba yaIsrael eshi ya lesha onhumwafo oyo, oya pombaula oikutu yayo ndele tai ti: “Ame mbela Kalunga ndi dule okudipaa nokutula omwenyo, eshi omulumenhu winya ta tumine nge ndi kufe momulumenhu oudu waye woshilundu? Dimbulukweni hano, mu tale, nhumbi ta kongo omhito okushinda nge.” 8 Ndelenee Elisa, omulumenhu waKalunga, eshi a uda nokutya, ohamba yaIsrael ya pombaula oikutu yayo, okwa shiivifila ohamba: “Omolwashike ove wa pombaula oikutu yoye? Ne uye ashike kwaame, opo a shiive nokutya, muIsrael omu nomuxunganeki.” 9 Osho ngaha hano Naeman e uya neenghambe daye nomatemba aye, nokwa kanghama poshivelo sheumbo laElisa. 10 Opo nee Elisa a tuma kuye omutumwa e mu lombwela: “Inda u ke likoshe luheyali muJordan, opo nee olutu loye tali ka kala ngaashi shito, ndele ove to ka yela.” 11 Ndelenee Naeman okwa handuka unene ndele ta di po ndele ta ti: “Taleni, ame nda diladila: ye te uya shili kwaame pondje, ndele ta kala ofika nokwiifana edina lOmwene Kalunga kaye, ndele ta ingaanifa eke laye kwaame ndele ta kufa po oudu oshilundu. 12 Abana naParpar, omilonga domuDamaskus, hado di dule unene omeva aeshe muIsrael? Ihandi dulu mbela okulikoshela mo mudo ndi yele?” Nokwa piluka ndele ta i e nehandu. 13 Opo nee ovapiya vaye va ehena kuye ndele ve mu lombwela: “Tate, omuxunganeki ngeenge e ku lombwela u ninge oshinima oshinene, ito shi ningi ngeno? Hano unene paife eshi e ku lombwela: ‘Likosha ndele to ka yela?’ ” 14 Opo nee a londoloka ndele ta ningine mo luheyali muJordan pandjovo yomulumenhu waKalunga. Nolutu laye la kala ngaashi shito, ngaashi olutu lomunyasha, ndele okwa yela.
15 Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.” 16 Ndelenee ye ta ti: “Oshili, ngaashi Omwene e nomwenyo koshipala shaye ame handi kala ofika, itandi i tambula!” Ndele winya okwa diinina e i tambule, ndele ye okwa anya. 17 Ndele Naeman ta ti: “Ngeenge hasho, itavela, omupiya woye a pewe edu li fike pomitengi tadi humbatwa komamula vali. Osheshi omupiya woye ita ka yamba vali exwikiloyambo ile etomenoyambo koikalunga imwe, okOmwene aeke. 18 Omwene moshinima eshi na dimine po omupiya waye; omwene ngeenge ta i mongulu yaRimmon, ye e mu linyongamenene, fimbo ta yaamene keke lange, onghee hano naame yo ndi nokulinyongamena mongulu yaRimmon, ame eshi handi linyongamene mongulu yaRimmon, Omwene moshinima eshi na dimine po omupiya waye.” 19 Ndele ye ta ti kuye: “Inda nombili!” Ye eshi a dja po puye nokwa enda nondjila ixupi, 20 Gehasi, omupiya waElisa, omulumenhu waKalunga, te lipopile ta ti: “Tala, omwene wange okwa tala ashike ngaho Naeman, Omuaram, ina tambula sha shomeke laye, osho e shi eta. Oshili, ngaashi Omwene e nomwenyo, oshili, ame ohandi ke mu shikula ndi ka pewe sha.” 21 Opo nee Gehasi okwa shikula Naeman nokweendelela. Ndele Naeman, eshi a mona umwe ta tondoka, okwa nhuka mo metemba ndele te mu shakeneke, ndele ta ti: “Onawa tuu?” 22 Nokwa nyamukula: “Heeno, onawa! Omwene wange a tuma nge ndi tye: ‘Tala, ovamati vavali, ovalongwa vomuxunganeki ve uya paife kwaame va dja keemhunda daEfraim. Va pa oshitalenti shimwe shoshisiliveli noikutu ivali.’ ” 23 Ndele Naeman ta ti: “Tambula oitalenti ivali!” Osho e mu indila nokwiindilila nokwa mangela momakutu avali oitalenti ivali yoshisiliveli, ndele pamwe noikutu ivali e i pa ovapiya vaye vavali, ava ve i humbata komesho yaGehasi. 24 Ndele ye eshi e uya koshikulundu, okwe i kufa momake avo, ndele e i yandja i tuvikilwe meumbo, nokwa lekela ovalumenhu, ndele tava i. 25 Ye eshi e uya mo ndele ta kala ofika pomwene waye, Elisa ta pula kuye: “Owa ile peni, Gehasi?” Ndele ye ta nyamukula: “Omupiya woye ke na apa a ile.” 26 Ndelenee ye ta ti kuye: “Omutima wange inau enda pamwe naave, eshi omulumenhu umwe a dja metemba laye nokwa piluka e ku shakeneke? Efimbo olo tuu lokukufa oisiliveli noikutu nokukufa oikokola yomalumono noyomiviinyu needi neengobe novapika? 27 Onghee hano, oudu woshilundu waNaeman tau ka kanyatela mwoove nomoludalo loye fiyo alushe.” Nokwa dja po puye omunashilundu a toka tootoo.
Naeman ta velulwa oshilundu
1 Ndele Naeman, ondjai yohamba yaAram, okwa li omulumenhu a fimana koshipala shomwene waye nokwa tumbalekwa kovanhu. Osheshi omolwaye Omwene okwa yandja kOvaarami efindano. Nomulumenhu okwa li omukwaita omuladi, ndelenee okwa li omunashilundu. 2 NOvaarami va ya komwiila ndele va kwata onghwate okakadona kanini moshilongo shaIsrael oko ka ninga omuyakuli womwalikadi waNaeman. 3 Ndele oka ka lombwela omwene wako omwalikadi taka ti: “Ngeno omwene wange okwa ile komuxunganeki winya e li muSamaria, sha dulika winya ta kufa po oudu waye woshilundu.” 4 Opo nee ye ta i mo ndele ta shiivifile omwene waye ndele ta ti: “Osho ngaha okakadona ka popya, aka ka dja moshilongo shaIsrael.” 5 Nohamba yaAram tai ti: “Inda hano, ame nda hala okutumina ohamba yaIsrael onhumwafo.” Nokwa ya noitalenti omulongo yoisiliveli neesekeli 6000 doshingoldo noikutu omulongo. 6 Ndele ta twalele ohamba yaIsrael onhumwafo tai ti ngaha: “Pamwe nonhumwafo ei ame ohandi ku tumine paife omupiya wange Naeman, opo u kufe po oudu waye woshilundu.” 7 Ohamba yaIsrael eshi ya lesha onhumwafo oyo, oya pombaula oikutu yayo ndele tai ti: “Ame mbela Kalunga ndi dule okudipaa nokutula omwenyo, eshi omulumenhu winya ta tumine nge ndi kufe momulumenhu oudu waye woshilundu? Dimbulukweni hano, mu tale, nhumbi ta kongo omhito okushinda nge.” 8 Ndelenee Elisa, omulumenhu waKalunga, eshi a uda nokutya, ohamba yaIsrael ya pombaula oikutu yayo, okwa shiivifila ohamba: “Omolwashike ove wa pombaula oikutu yoye? Ne uye ashike kwaame, opo a shiive nokutya, muIsrael omu nomuxunganeki.” 9 Osho ngaha hano Naeman e uya neenghambe daye nomatemba aye, nokwa kanghama poshivelo sheumbo laElisa. 10 Opo nee Elisa a tuma kuye omutumwa e mu lombwela: “Inda u ke likoshe luheyali muJordan, opo nee olutu loye tali ka kala ngaashi shito, ndele ove to ka yela.” 11 Ndelenee Naeman okwa handuka unene ndele ta di po ndele ta ti: “Taleni, ame nda diladila: ye te uya shili kwaame pondje, ndele ta kala ofika nokwiifana edina lOmwene Kalunga kaye, ndele ta ingaanifa eke laye kwaame ndele ta kufa po oudu oshilundu. 12 Abana naParpar, omilonga domuDamaskus, hado di dule unene omeva aeshe muIsrael? Ihandi dulu mbela okulikoshela mo mudo ndi yele?” Nokwa piluka ndele ta i e nehandu. 13 Opo nee ovapiya vaye va ehena kuye ndele ve mu lombwela: “Tate, omuxunganeki ngeenge e ku lombwela u ninge oshinima oshinene, ito shi ningi ngeno? Hano unene paife eshi e ku lombwela: ‘Likosha ndele to ka yela?’ ” 14 Opo nee a londoloka ndele ta ningine mo luheyali muJordan pandjovo yomulumenhu waKalunga. Nolutu laye la kala ngaashi shito, ngaashi olutu lomunyasha, ndele okwa yela.
15 Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.” 16 Ndelenee ye ta ti: “Oshili, ngaashi Omwene e nomwenyo koshipala shaye ame handi kala ofika, itandi i tambula!” Ndele winya okwa diinina e i tambule, ndele ye okwa anya. 17 Ndele Naeman ta ti: “Ngeenge hasho, itavela, omupiya woye a pewe edu li fike pomitengi tadi humbatwa komamula vali. Osheshi omupiya woye ita ka yamba vali exwikiloyambo ile etomenoyambo koikalunga imwe, okOmwene aeke. 18 Omwene moshinima eshi na dimine po omupiya waye; omwene ngeenge ta i mongulu yaRimmon, ye e mu linyongamenene, fimbo ta yaamene keke lange, onghee hano naame yo ndi nokulinyongamena mongulu yaRimmon, ame eshi handi linyongamene mongulu yaRimmon, Omwene moshinima eshi na dimine po omupiya waye.” 19 Ndele ye ta ti kuye: “Inda nombili!” Ye eshi a dja po puye nokwa enda nondjila ixupi, 20 Gehasi, omupiya waElisa, omulumenhu waKalunga, te lipopile ta ti: “Tala, omwene wange okwa tala ashike ngaho Naeman, Omuaram, ina tambula sha shomeke laye, osho e shi eta. Oshili, ngaashi Omwene e nomwenyo, oshili, ame ohandi ke mu shikula ndi ka pewe sha.” 21 Opo nee Gehasi okwa shikula Naeman nokweendelela. Ndele Naeman, eshi a mona umwe ta tondoka, okwa nhuka mo metemba ndele te mu shakeneke, ndele ta ti: “Onawa tuu?” 22 Nokwa nyamukula: “Heeno, onawa! Omwene wange a tuma nge ndi tye: ‘Tala, ovamati vavali, ovalongwa vomuxunganeki ve uya paife kwaame va dja keemhunda daEfraim. Va pa oshitalenti shimwe shoshisiliveli noikutu ivali.’ ” 23 Ndele Naeman ta ti: “Tambula oitalenti ivali!” Osho e mu indila nokwiindilila nokwa mangela momakutu avali oitalenti ivali yoshisiliveli, ndele pamwe noikutu ivali e i pa ovapiya vaye vavali, ava ve i humbata komesho yaGehasi. 24 Ndele ye eshi e uya koshikulundu, okwe i kufa momake avo, ndele e i yandja i tuvikilwe meumbo, nokwa lekela ovalumenhu, ndele tava i. 25 Ye eshi e uya mo ndele ta kala ofika pomwene waye, Elisa ta pula kuye: “Owa ile peni, Gehasi?” Ndele ye ta nyamukula: “Omupiya woye ke na apa a ile.” 26 Ndelenee ye ta ti kuye: “Omutima wange inau enda pamwe naave, eshi omulumenhu umwe a dja metemba laye nokwa piluka e ku shakeneke? Efimbo olo tuu lokukufa oisiliveli noikutu nokukufa oikokola yomalumono noyomiviinyu needi neengobe novapika? 27 Onghee hano, oudu woshilundu waNaeman tau ka kanyatela mwoove nomoludalo loye fiyo alushe.” Nokwa dja po puye omunashilundu a toka tootoo.
