Elifas ta kumike Job e lininipike
1 “Ifana tuu! Ou na tuu ou te ku nyamukula? Ndele okulyelye womovayapuki to ame kuye? 2 Osheshi elai tali dipawa kehandu, ndele ou ehe neendunge ta dipawa kouladi. 3 Ame mwene nda mona elai nhumbi la twama omidi da pama. Ndelenee divadiva nda li ndi nokutula omutima eumbo lalo. 4 Ovana valo ve li kokule nelao; ndele tava lyatwa poshivelo vehe nomukwafi. 5 Eteyo lavo olokukutifa omunandjala, ndelenee Kalunga te li kufa mo momakanya avo. Naava ve nenota tava lalakanene emona lalo. 6 Osheshi omupya itau mene mondwi, noupyakadi itau twiyuka mo medu. 7 Ndelenee omunhu ta dalelwa moupyakadi, ngaashi eehandje domundilo tadi tuka pombada.
8 “Ndelenee ame, kombinga yange nda hala ndi konge Kalunga ndele ndi twale oshinima shange koshipala shaKalunga, 9 komesho yaau ta longo oilonga inene noikumwifa tai nyenge okukonakonwa nokuvalwa. 10 Ou ta lokifile edu odula ndele ta tumine omapya omeva, 11 opo a nenepekife ovaxupi; ndele ava ve noluhodi va mone elao linene! 12 Ye ota hanauna po omadiladilo ovakengeleli, onghee hano omake avo itaa dulu okukwata osho tashi kalelele. 13 Ye ota kwata ovanongo momalungi avo, nepukululo lovakengeleli tali ningi longaho. 14 Momutenya omulaulu tau va hange nopokati komutenya tava pamhadala ngaashi oufiku. 15 Ndelenee omukwanaluhepo Ye ote mu xupifa mo meongamukonda, te va kwafa mo meke lomulumenhu omunaenghono. 16 Onghee hano omukwanaluhepo e neteelelo, nouhenouyuki u nokumwena.
17 “Tala, omunelao omulumenhu ou ta handukilwa kuKalunga. Ino dina hano outekuhandu waau wOmunaenghono adishe. 18 Osheshi Ye ta yehameke, ndelenee ota hakula yo. Omake aye otaa teyaula, ndelenee otaa velula yo. 19 Momaudjuu ahamano Ye ote ku xupifa mo, heeno, momaudjuu aheyali, oshiponga nande shimwe itashi ku hange. 20 Mondjala ote ku xupifa mefyo, ndele molwoodi omeenghono deongamukonda. 21 Ongola yelaka owe i holekwa, ndele ito tila ehanauno eshi tali uya. 22 Nomahanauno nondjala ove to i yolo ashike, ndele iho tila oilyani yokombada yedu. 23 Shaashi ove wa ninga ehangano nomamanya omepumbu noilyani yomofuka i noukaume naave. 24 Ove oto ka mona nhumbi eumbo loye tali kala nombili, ndele ngeenge ho talatala onhele yoye, ito pumbwa sha. 25 Oludalo loye to li mono la hapupala novamwoye vahapu ve fike pomwiidi medu. 26 Mombila to i wa kula ngaashi omutwe wolulya tau teywa pefimbo lalo.
27 “Tala, osho twe shi konakona, osho shili. Shi uda, ove mwene u shi koneke.”
Elifas ta kumike Job e lininipike
1 “Ifana tuu! Ou na tuu ou te ku nyamukula? Ndele okulyelye womovayapuki to ame kuye? 2 Osheshi elai tali dipawa kehandu, ndele ou ehe neendunge ta dipawa kouladi. 3 Ame mwene nda mona elai nhumbi la twama omidi da pama. Ndelenee divadiva nda li ndi nokutula omutima eumbo lalo. 4 Ovana valo ve li kokule nelao; ndele tava lyatwa poshivelo vehe nomukwafi. 5 Eteyo lavo olokukutifa omunandjala, ndelenee Kalunga te li kufa mo momakanya avo. Naava ve nenota tava lalakanene emona lalo. 6 Osheshi omupya itau mene mondwi, noupyakadi itau twiyuka mo medu. 7 Ndelenee omunhu ta dalelwa moupyakadi, ngaashi eehandje domundilo tadi tuka pombada.
8 “Ndelenee ame, kombinga yange nda hala ndi konge Kalunga ndele ndi twale oshinima shange koshipala shaKalunga, 9 komesho yaau ta longo oilonga inene noikumwifa tai nyenge okukonakonwa nokuvalwa. 10 Ou ta lokifile edu odula ndele ta tumine omapya omeva, 11 opo a nenepekife ovaxupi; ndele ava ve noluhodi va mone elao linene! 12 Ye ota hanauna po omadiladilo ovakengeleli, onghee hano omake avo itaa dulu okukwata osho tashi kalelele. 13 Ye ota kwata ovanongo momalungi avo, nepukululo lovakengeleli tali ningi longaho. 14 Momutenya omulaulu tau va hange nopokati komutenya tava pamhadala ngaashi oufiku. 15 Ndelenee omukwanaluhepo Ye ote mu xupifa mo meongamukonda, te va kwafa mo meke lomulumenhu omunaenghono. 16 Onghee hano omukwanaluhepo e neteelelo, nouhenouyuki u nokumwena.
17 “Tala, omunelao omulumenhu ou ta handukilwa kuKalunga. Ino dina hano outekuhandu waau wOmunaenghono adishe. 18 Osheshi Ye ta yehameke, ndelenee ota hakula yo. Omake aye otaa teyaula, ndelenee otaa velula yo. 19 Momaudjuu ahamano Ye ote ku xupifa mo, heeno, momaudjuu aheyali, oshiponga nande shimwe itashi ku hange. 20 Mondjala ote ku xupifa mefyo, ndele molwoodi omeenghono deongamukonda. 21 Ongola yelaka owe i holekwa, ndele ito tila ehanauno eshi tali uya. 22 Nomahanauno nondjala ove to i yolo ashike, ndele iho tila oilyani yokombada yedu. 23 Shaashi ove wa ninga ehangano nomamanya omepumbu noilyani yomofuka i noukaume naave. 24 Ove oto ka mona nhumbi eumbo loye tali kala nombili, ndele ngeenge ho talatala onhele yoye, ito pumbwa sha. 25 Oludalo loye to li mono la hapupala novamwoye vahapu ve fike pomwiidi medu. 26 Mombila to i wa kula ngaashi omutwe wolulya tau teywa pefimbo lalo.
27 “Tala, osho twe shi konakona, osho shili. Shi uda, ove mwene u shi koneke.”
