1 Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala. 2 Ondjila keshe yomunhu oya yuka momesho aye mwene, ndelenee Omwene ta konakona omitima. 3 Okulonga ouyuki noshili otaku wapalele Omwene, komesho yomayambo. 4 Elinenepeko lomesho nounhwa womutima osho evilimo lovahenakalunga novalunde. 5 Eemhangela dovadiinini tadi eta ouwa auke. Ndelenee omweendeleli keshe te likongele eemhumbwe. 6 Ovo tave likongele omamona nelaka loipupulu, vo va fa omhepo tai pepe, nomwiyo wefyo! 7 Oukolokoshi wavo tau nakula po ovahenakalunga shaashi va anya okuninga osho sha yuka. 8 Ondjila yomunhu e nombedi oya penga. Ndelenee oilonga yomukoshoki oya yuka. 9 Okukala mokolonela yonduda ku dule okukala meumbo limwe nomwalikadi e neenyamukudi. 10 Omwenyo womuhenakalunga u hole owii; mukwao ita mono nande onghenda momesho aye. 11 Omunhu ngeenge ta handukile omusheki, omushima ta mono eendunge. Nomunhu ngeenge ta pukulula omunaendunge, ye ota tambula eshiivo. 12 Omuyuki ta pashukile eumbo lomuhenakalunga. Ye ota undwile ovahenakalunga momupya. 13 Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo. 14 Oshali yomeholeko tai lotifa ehandu, noshali yomekolo tai mweneke oupyuhandu. 15 Okulonga ouyuki otaku hafifa omuyuki, ndelenee kovanawii okwo ehaluko. 16 Omunhu ou ta yapuka mo mondjila yeendunge, ota ka tulumukwa moshiongalele shoilulu. 17 Ou e hole oitelekela, ota ka hangika keemhumbwe. Ou e hole omaviinyu nomaadi, ita ka ninga oshipuna. 18 Omuhenakalunga ota ningi oikulila yomuyuki, nomuliteeki te uya ponhele yomunashili. 19 Okukala moshilongo shi yela ku dule okukala nokuhepekwa komwalikadi e neenyamukudi. 20 Emona li nondilo nomaadi e li meumbo lomuyuki, ndelenee omunhu omushima te a mane po. 21 Ou ta lalakanene ouyuki nolune, ota ka mona omwenyo, ouyuki nefimano. 22 Omunongo ota totele oshilando shovanaenghono ndele ta hanauna po ohote ya li eameno lasho. 23 Ou ta kelele okanya kaye nelaka laye, ota amene omwenyo waye koluhodi. 24 Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa. 25 Omundede ta dipawa kouhalu waye mwene, osheshi omake aye inaa hala okulonga; 26 efiku alishe ha kala nokahalu neenghono; ndelenee omuyuki ota yandje ita luvapala. 27 Eyambo lomuhenakalunga olo oixuna. Unene ngahelipi ngeenge tali etwa molwoshilonga oshififahoni! 28 Ondobwedi yoipupulu tai hanaunwa po, ndelenee omulumenhu e shii kupwilikina, ota itavelwa okupopya pefimbo keshe. 29 Omuhenakalunga ota kukutike oshipala shaye, ndelenee omuyuki ta yukifa eendjila daye nawa. 30 Kape nounongo ile eendunge ile epukululo lasha, tali kwafa mokukondjifa Omwene. 31 Onghambe ya longekidilwa efiku lolwoodi, ndelenee okufindana taku di kOmwene.
1 Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala. 2 Ondjila keshe yomunhu oya yuka momesho aye mwene, ndelenee Omwene ta konakona omitima. 3 Okulonga ouyuki noshili otaku wapalele Omwene, komesho yomayambo. 4 Elinenepeko lomesho nounhwa womutima osho evilimo lovahenakalunga novalunde. 5 Eemhangela dovadiinini tadi eta ouwa auke. Ndelenee omweendeleli keshe te likongele eemhumbwe. 6 Ovo tave likongele omamona nelaka loipupulu, vo va fa omhepo tai pepe, nomwiyo wefyo! 7 Oukolokoshi wavo tau nakula po ovahenakalunga shaashi va anya okuninga osho sha yuka. 8 Ondjila yomunhu e nombedi oya penga. Ndelenee oilonga yomukoshoki oya yuka. 9 Okukala mokolonela yonduda ku dule okukala meumbo limwe nomwalikadi e neenyamukudi. 10 Omwenyo womuhenakalunga u hole owii; mukwao ita mono nande onghenda momesho aye. 11 Omunhu ngeenge ta handukile omusheki, omushima ta mono eendunge. Nomunhu ngeenge ta pukulula omunaendunge, ye ota tambula eshiivo. 12 Omuyuki ta pashukile eumbo lomuhenakalunga. Ye ota undwile ovahenakalunga momupya. 13 Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo. 14 Oshali yomeholeko tai lotifa ehandu, noshali yomekolo tai mweneke oupyuhandu. 15 Okulonga ouyuki otaku hafifa omuyuki, ndelenee kovanawii okwo ehaluko. 16 Omunhu ou ta yapuka mo mondjila yeendunge, ota ka tulumukwa moshiongalele shoilulu. 17 Ou e hole oitelekela, ota ka hangika keemhumbwe. Ou e hole omaviinyu nomaadi, ita ka ninga oshipuna. 18 Omuhenakalunga ota ningi oikulila yomuyuki, nomuliteeki te uya ponhele yomunashili. 19 Okukala moshilongo shi yela ku dule okukala nokuhepekwa komwalikadi e neenyamukudi. 20 Emona li nondilo nomaadi e li meumbo lomuyuki, ndelenee omunhu omushima te a mane po. 21 Ou ta lalakanene ouyuki nolune, ota ka mona omwenyo, ouyuki nefimano. 22 Omunongo ota totele oshilando shovanaenghono ndele ta hanauna po ohote ya li eameno lasho. 23 Ou ta kelele okanya kaye nelaka laye, ota amene omwenyo waye koluhodi. 24 Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa. 25 Omundede ta dipawa kouhalu waye mwene, osheshi omake aye inaa hala okulonga; 26 efiku alishe ha kala nokahalu neenghono; ndelenee omuyuki ota yandje ita luvapala. 27 Eyambo lomuhenakalunga olo oixuna. Unene ngahelipi ngeenge tali etwa molwoshilonga oshififahoni! 28 Ondobwedi yoipupulu tai hanaunwa po, ndelenee omulumenhu e shii kupwilikina, ota itavelwa okupopya pefimbo keshe. 29 Omuhenakalunga ota kukutike oshipala shaye, ndelenee omuyuki ta yukifa eendjila daye nawa. 30 Kape nounongo ile eendunge ile epukululo lasha, tali kwafa mokukondjifa Omwene. 31 Onghambe ya longekidilwa efiku lolwoodi, ndelenee okufindana taku di kOmwene.
