1 Muhona, ami me tara kove,
me tara keyuru ove ku u honaparera.
2 Otja omukarere omurumendu
punga e tara komuhona we,
notja omukarere omukazendu punga
e tara komuhona we oserekaze,
eṱe opunga amatu tara ku Muhona,
Ndjambi wetu, nga tji me tu tjariparere.
3 Tu tjariparera, Muhona,
tu tjariparera. Orondu eṱe tji twe
urisiwa nonyengurire,
4 nokunyekererwa tjinene i ovavyare,
nu tjinga atwe urisiwa
nomanyenguriro woveritongamise.
© Herero Revision Bible © Bible Society in Namibia, 2021.
