Omayandero womupupo
1 Ndjambi we rizemburuka na Noa novipuka avihe vyokuti novinamuinyo avihe mbya ri puna ye motjitendeze. Neye wa tjita kutja ombepo i hinge kombanda yomeva, nomeva aye utu okuyaruka pehi nga tji ya pwire. 2 Ozomburo zomipupo kehi yehi nozondovi zotuiho twe vaverwa twa patwa, nombura otji ya uta okuyaruka pehi kouṱiṱiṱiṱi nga tji ya za ko. 3 Nomeva otji ya yenda amaye pwire kombanda yehi oure womayuva esere rimwe nomirongo vitano nga tji ya pwire. 4 Nu meyuva oritjamurongo na hambombari komueze outjahambombari otjitendeze otji tja haama kombanda yozondundu za Ararat. 5 Nomeva otji ya yenda amaye pwire nga komueze outjamurongo. Nu meyuva etenga komueze outjamurongo ozondomba zozondundu otji za uta okumunika.
6 Kombunda yomayuva omirongo vine Noa wa paturura oruiho rwotjitendeze, 7 na pitisire mo ekwara; noro ra tuka okuyenda nokukotoka nga omeva tji ya pwire kombanda yehi. 8 Rukwao, Noa wa pitisa onguti, a munine po kutja omeva ya pwire kombanda yehi. 9 Nungwari omeva tjinga aya ri kombanda yehi arihe, onguti otji i ha mwine poṋa pu mai haama; notji ya kotoka ku ye kotjitendeze. Eye otja pitisa eke re, ne i kambura, ne i eta pu ye motjitendeze. 10 Tjazumba otja undja omayuva hambombari rukwao; narire tja pitisa onguti rukwao okuza motjitendeze. 11 Nonguti ya kotoka ku ye kuṱa kongurova. Noyo ya ri neso etarazu romuṋinga motjinyo tjayo. Noa opa tjivirwa kutja omeva ya pwire kombanda yehi. 12 Noa wa undja omayuva hambombari warwe na pitisa onguti; notjikando hi oyo kai yarukire ku ye.
13 Noa tja vaza otjiwondo tjozombura omasere hamboumwe na imwe, omeva otji ya pwira oparukaze kombanda yehi, metenga romueze omutenga. Nu Noa wa paturura ihi otjiyezere tjotjitendeze na tara pendje, nehi tjandje ra kaha. 14 Meyuva oritjamirongo vivari na hambombari komueze outjavari ehi otji ra kaha oparukaze.
15 Nu Ndjambi wa tja nai ku Noa: 16 “Pita motjitendeze, ove nomukazendu woye novazandu voye novakazendu vawo. 17 Novipuka ngamwa avihe wina mbi ri puna ove, okutja ozonḓera novinamuinyo avihe, noupuka auhe mbu nyangatara pehi, ngavi hondje kove kutja vi keriryangere mehi, vi kwatasane nu vi takavare kombanda yehi.” 18 Noa nomukazendu we novazandu ve novakazendu vawo arire tji va piti. 19 Ovinamuinyo avihe noupuka auhe mbu honahona pehi, nozonḓera azehe vya pita motjitendeze otja komihoko vyavyo.
Noa ma tungu otjipunguhiro
20 Nu Noa wa tungira Muhona otjipunguhiro na kambura otjipuka tjimwe movipuka ovikohoke, nonḓera imwe mozonḓera ozongohoke na punguhire ozombunguhiro ozoningiririsiwa kotjipunguhiro. 21 Muhona wa ṋuka imbwi omoro omuwa. Neye arire tje rihungirire mu ye omuini na tja: “Ami himee sengi ehi rukwao mena romundu, omutima womundu tjinga au nomerizerero omanauvi okuza kouṱiṱi we; nami himee nyono ovinamuinyo avihe rukwao otja tji mba tjita.
22 Ehi ngunda ari ri po, mape kara
okurooro nokuṋi,
okupepera noruteṋi,
omutenya nouṱuku;
imbi avihe kamaavi yanda nga komaandero wouye.”
Omayandero womupupo
1 Ndjambi we rizemburuka na Noa novipuka avihe vyokuti novinamuinyo avihe mbya ri puna ye motjitendeze. Neye wa tjita kutja ombepo i hinge kombanda yomeva, nomeva aye utu okuyaruka pehi nga tji ya pwire. 2 Ozomburo zomipupo kehi yehi nozondovi zotuiho twe vaverwa twa patwa, nombura otji ya uta okuyaruka pehi kouṱiṱiṱiṱi nga tji ya za ko. 3 Nomeva otji ya yenda amaye pwire kombanda yehi oure womayuva esere rimwe nomirongo vitano nga tji ya pwire. 4 Nu meyuva oritjamurongo na hambombari komueze outjahambombari otjitendeze otji tja haama kombanda yozondundu za Ararat. 5 Nomeva otji ya yenda amaye pwire nga komueze outjamurongo. Nu meyuva etenga komueze outjamurongo ozondomba zozondundu otji za uta okumunika.
6 Kombunda yomayuva omirongo vine Noa wa paturura oruiho rwotjitendeze, 7 na pitisire mo ekwara; noro ra tuka okuyenda nokukotoka nga omeva tji ya pwire kombanda yehi. 8 Rukwao, Noa wa pitisa onguti, a munine po kutja omeva ya pwire kombanda yehi. 9 Nungwari omeva tjinga aya ri kombanda yehi arihe, onguti otji i ha mwine poṋa pu mai haama; notji ya kotoka ku ye kotjitendeze. Eye otja pitisa eke re, ne i kambura, ne i eta pu ye motjitendeze. 10 Tjazumba otja undja omayuva hambombari rukwao; narire tja pitisa onguti rukwao okuza motjitendeze. 11 Nonguti ya kotoka ku ye kuṱa kongurova. Noyo ya ri neso etarazu romuṋinga motjinyo tjayo. Noa opa tjivirwa kutja omeva ya pwire kombanda yehi. 12 Noa wa undja omayuva hambombari warwe na pitisa onguti; notjikando hi oyo kai yarukire ku ye.
13 Noa tja vaza otjiwondo tjozombura omasere hamboumwe na imwe, omeva otji ya pwira oparukaze kombanda yehi, metenga romueze omutenga. Nu Noa wa paturura ihi otjiyezere tjotjitendeze na tara pendje, nehi tjandje ra kaha. 14 Meyuva oritjamirongo vivari na hambombari komueze outjavari ehi otji ra kaha oparukaze.
15 Nu Ndjambi wa tja nai ku Noa: 16 “Pita motjitendeze, ove nomukazendu woye novazandu voye novakazendu vawo. 17 Novipuka ngamwa avihe wina mbi ri puna ove, okutja ozonḓera novinamuinyo avihe, noupuka auhe mbu nyangatara pehi, ngavi hondje kove kutja vi keriryangere mehi, vi kwatasane nu vi takavare kombanda yehi.” 18 Noa nomukazendu we novazandu ve novakazendu vawo arire tji va piti. 19 Ovinamuinyo avihe noupuka auhe mbu honahona pehi, nozonḓera azehe vya pita motjitendeze otja komihoko vyavyo.
Noa ma tungu otjipunguhiro
20 Nu Noa wa tungira Muhona otjipunguhiro na kambura otjipuka tjimwe movipuka ovikohoke, nonḓera imwe mozonḓera ozongohoke na punguhire ozombunguhiro ozoningiririsiwa kotjipunguhiro. 21 Muhona wa ṋuka imbwi omoro omuwa. Neye arire tje rihungirire mu ye omuini na tja: “Ami himee sengi ehi rukwao mena romundu, omutima womundu tjinga au nomerizerero omanauvi okuza kouṱiṱi we; nami himee nyono ovinamuinyo avihe rukwao otja tji mba tjita.
22 Ehi ngunda ari ri po, mape kara
okurooro nokuṋi,
okupepera noruteṋi,
omutenya nouṱuku;
imbi avihe kamaavi yanda nga komaandero wouye.”
