Ongumbiro yomukurundu
1 Muhona, me paha omaundiro move,
o ndji tarere ame ṱohoṋi nga aruhe.
2 Ndji vatera nu u ndji kuture
tjinga au ri omusemba!
Puratena ku ami,
nu u ndji yame!
3 Rira oruuwa rwomaundiro wandje aruhe,
notjiṱunga otjizeu tjokundjiyama.
Oove omaundiro wandje nondjamo yandje.
4 Ndjambi wandje, ndji yama
momake wovanauvi na mouvara
wovatjite voutwe nowovahasemba.
5 Muhona Ndjambi,
oove omaundjiro wandje,
ami mbe riyameka kove
okuza koumutanda wandje.
6 Ami mbe riṱizira pove
okuza kongwatero yandje,
ove we ndji tjevera okuza keyuva
ndi mba kwatwa.
Ami aruhe me ku tanga.
7 Ami mba ri otjihorera kovengi,
ove tjinga au ri omaundiro
wandje omanamasa.
8 Eyuva arihe ami me ku tanga,
nu me serekarere ounene woye.
9 O ndji imbirahi momayuva
wongurupiro yandje;
nu ondji esa ko, omasa wandje tji ya manuka.
10 Ovanavita na ami mave vanga okundjizepa;
owo ve ndji hungira nave ndji tanda
11 nave tja: “Ndjambi we mu esa;
ngatu mu rambe tu mu kambure!
Kape nomundu ngu me mu vatere.”
12 Ndjambi, o kara kokure na ami;
Ndjambi wandje, hakahana okundjivatera!
13 Imba mbe kondja okundjirwisa
ngave haverwe nu ngave ṱukuṱurwe.
Nu imba mbe vanga okundjitjita otjipo,
ngave ṱisiwe ohoṋi nu ngave yambururwe.
14 Nungwari ami aruhe me undju kove,
nu me wezere ko ondangero yandje kove.
15 Ami me serekarere ouwa woye,
neyuva arihe me hungire ondjamo yoye,
andarire kutja ya kapita ozondunge zandje.
16 Me tanga ozondjito zoye ozonamasa,
Muhona Ndjambi,
nu me serekarere ouṱakame woye porwe.
17 Ndjambi, ove we ndji honga
okuza koumutanda wandje,
nu nga ku ndinondi ami mbi
hongonona ovihimise vyoye.
18 Nambano wina, tji mba kurupa
nokuhara ozonḓi nai,
Ndjambi, o ndji esa ko,
kokutja mbi serekarere omasa woye
nozondjito zoye ozohimise
kozondekurona zandje.
19 Ousemba woye wa vaza nga keyuru.
Ndjambi, ove wa tjita oviṋa ovihimise;
kapena ngu ri otja ove.
20 Ove we ndji hindira omaumba
nozombamisiro ozengi,
nungwari mo ndji kotora komuinyo rukwao,
nu mo ndji yama keyendo.
21 Aruhe mo ndji huhumiṋa,
nu mo takavarisa ondjozikiro yandje.
22 Ami me ku tanga notjiharpe,
nu me hivirike ouṱakame woye, Ndjambi wandje.
Me ku imburire omatangero kotjinangoma,
ove ngu u ri Omuyapuke wa Israel.
23 Ami me ku hivirike nondjoroka onene,
ove tjinga awe ndji kutura.
24 Me uhara ame hungire ousemba woye,
orondu imba mbe kondja okundjitjita navi,
va haverwa nave ṱisiwa ohoṋi.
Ongumbiro yomukurundu
1 Muhona, me paha omaundiro move,
o ndji tarere ame ṱohoṋi nga aruhe.
2 Ndji vatera nu u ndji kuture
tjinga au ri omusemba!
Puratena ku ami,
nu u ndji yame!
3 Rira oruuwa rwomaundiro wandje aruhe,
notjiṱunga otjizeu tjokundjiyama.
Oove omaundiro wandje nondjamo yandje.
4 Ndjambi wandje, ndji yama
momake wovanauvi na mouvara
wovatjite voutwe nowovahasemba.
5 Muhona Ndjambi,
oove omaundjiro wandje,
ami mbe riyameka kove
okuza koumutanda wandje.
6 Ami mbe riṱizira pove
okuza kongwatero yandje,
ove we ndji tjevera okuza keyuva
ndi mba kwatwa.
Ami aruhe me ku tanga.
7 Ami mba ri otjihorera kovengi,
ove tjinga au ri omaundiro
wandje omanamasa.
8 Eyuva arihe ami me ku tanga,
nu me serekarere ounene woye.
9 O ndji imbirahi momayuva
wongurupiro yandje;
nu ondji esa ko, omasa wandje tji ya manuka.
10 Ovanavita na ami mave vanga okundjizepa;
owo ve ndji hungira nave ndji tanda
11 nave tja: “Ndjambi we mu esa;
ngatu mu rambe tu mu kambure!
Kape nomundu ngu me mu vatere.”
12 Ndjambi, o kara kokure na ami;
Ndjambi wandje, hakahana okundjivatera!
13 Imba mbe kondja okundjirwisa
ngave haverwe nu ngave ṱukuṱurwe.
Nu imba mbe vanga okundjitjita otjipo,
ngave ṱisiwe ohoṋi nu ngave yambururwe.
14 Nungwari ami aruhe me undju kove,
nu me wezere ko ondangero yandje kove.
15 Ami me serekarere ouwa woye,
neyuva arihe me hungire ondjamo yoye,
andarire kutja ya kapita ozondunge zandje.
16 Me tanga ozondjito zoye ozonamasa,
Muhona Ndjambi,
nu me serekarere ouṱakame woye porwe.
17 Ndjambi, ove we ndji honga
okuza koumutanda wandje,
nu nga ku ndinondi ami mbi
hongonona ovihimise vyoye.
18 Nambano wina, tji mba kurupa
nokuhara ozonḓi nai,
Ndjambi, o ndji esa ko,
kokutja mbi serekarere omasa woye
nozondjito zoye ozohimise
kozondekurona zandje.
19 Ousemba woye wa vaza nga keyuru.
Ndjambi, ove wa tjita oviṋa ovihimise;
kapena ngu ri otja ove.
20 Ove we ndji hindira omaumba
nozombamisiro ozengi,
nungwari mo ndji kotora komuinyo rukwao,
nu mo ndji yama keyendo.
21 Aruhe mo ndji huhumiṋa,
nu mo takavarisa ondjozikiro yandje.
22 Ami me ku tanga notjiharpe,
nu me hivirike ouṱakame woye, Ndjambi wandje.
Me ku imburire omatangero kotjinangoma,
ove ngu u ri Omuyapuke wa Israel.
23 Ami me ku hivirike nondjoroka onene,
ove tjinga awe ndji kutura.
24 Me uhara ame hungire ousemba woye,
orondu imba mbe kondja okundjitjita navi,
va haverwa nave ṱisiwa ohoṋi.
