Eraka
1 Vakwetu vandje, a rire ko ovengi veṋu mbu mave rire ovahonge, tjinga amamu tjiwa nawa kutja eṱe mba mbu tu ri ovahonge, matu pangurwa ombanguriro onḓeu tjinene okukapita ovakwetu. 2 Eṱe atuhe tu tataiza moviṋa ovingi. Nungwari omundu tje ha tataiza momambo we kaparukaze, okutja eye omusore nu wina u nomasa okutjaera orutu rwe aruhe. 3 Eṱe tu twa mo ovitumbure movinyo vyoukambe kutja owo u zuve ku eṱe; komuhingo mbwi otji tu tumburira otutu twawo koṋa ku matu vanga. 4 Poo ngatu ripure nondjuwoyomomeva: Nandarire kutja oyo onene nai nu i hingwa i ombepo onamasa tjinene, oyo i hingwa nokatumbure okaṱiṱi koṋa omuhinge ku ma vanga. 5 Otjinga ape ri nao neraka romundu wina: Oro okaṋa okaṱiṱi, nungwari ri rihivira oviṋa ovinene.
Tara, nandarire okarurumo okaṱiṱi ke kamburisa otjihwa otjinene. 6 Neraka wina ra sana nomuriro; oro ra sana nouye mbwe ura nouhasemba; oro okaṋepo okaṱiṱi korutu, nungwari ke zunḓa orutu aruhe. Oro ri kamburisa ongarero yomundu aihe okuza kongwatero nga konḓiro nomuriro mbu za kotjomuriro. 7 Omundu ma yenene okuzeura ovipuka ngamwa avihe: Ovipuka vyokuti, nozonḓera na imbi mbi kokozoka pehi, nozohi. 8 Nungwari indi eraka kape nomundu ngu ma sora okurizeura; oro ouvi porwe mbu ha tjaerwa, nu re ura nouzuwo ouzepe. 9 Na indi eraka tu tanga Muhona na Tate yetu, nu wina na ro tu senga ovakwetu mba utwa kosaneno ya Ndjambi. 10 Ozondaya nozosengiro vi pitira motjinyo tjingetjo. Vakwetu, otjiṋa tji tja sana ngwi ngaa tji tjiwa! 11 Oruharwi karu pupisire omeva omawa nomeva omaruru monḓizira tjingeyo. 12 Vakwetu vandje, omukuyumbwa kau eta ozoṋinga, nomuvite kau eta omakuyu. Noruharwi rwotjongwa karu pupisa omeva omawa!
Ounongo mbu za ku Ndjambi
13 Mu nomundu omunaunongo nomunazondunge mokati keṋu are? Eye nge vi raise notjikaro tje otjiwa novitjitwa vye vyomerisusuparisiro novyounongo. 14 Nungwari momitima vyeṋu tji mu neruru nonyaho nozombata, amu rihivire ounongo weṋu, orondu tjinga amu hi nokuhungira ouatjiri. 15 Ounongo otja imbwi kau zu kOmbanda, nungwari owo owouye nowovandu nowozombepo ozohakohoke. 16 Pu pe neruru nozombata wina pe nomazunganeno nouvi ngamwa auhe. 17 Nungwari ounongo mbu za kOmbanda owo rutengatenga oukohoke, nu wina owo ounahange noukozu nu u nondjiririsa; owo we ura nounyaṋutima, nu u twako ovihape oviwa. Owo kau tjiti ombangu nu kau notjavivi. 18 Otjihape tjousemba tji za mozondwi nḓa, ovanahange nḓu ve kuna mohange.
Eraka
1 Vakwetu vandje, a rire ko ovengi veṋu mbu mave rire ovahonge, tjinga amamu tjiwa nawa kutja eṱe mba mbu tu ri ovahonge, matu pangurwa ombanguriro onḓeu tjinene okukapita ovakwetu. 2 Eṱe atuhe tu tataiza moviṋa ovingi. Nungwari omundu tje ha tataiza momambo we kaparukaze, okutja eye omusore nu wina u nomasa okutjaera orutu rwe aruhe. 3 Eṱe tu twa mo ovitumbure movinyo vyoukambe kutja owo u zuve ku eṱe; komuhingo mbwi otji tu tumburira otutu twawo koṋa ku matu vanga. 4 Poo ngatu ripure nondjuwoyomomeva: Nandarire kutja oyo onene nai nu i hingwa i ombepo onamasa tjinene, oyo i hingwa nokatumbure okaṱiṱi koṋa omuhinge ku ma vanga. 5 Otjinga ape ri nao neraka romundu wina: Oro okaṋa okaṱiṱi, nungwari ri rihivira oviṋa ovinene.
Tara, nandarire okarurumo okaṱiṱi ke kamburisa otjihwa otjinene. 6 Neraka wina ra sana nomuriro; oro ra sana nouye mbwe ura nouhasemba; oro okaṋepo okaṱiṱi korutu, nungwari ke zunḓa orutu aruhe. Oro ri kamburisa ongarero yomundu aihe okuza kongwatero nga konḓiro nomuriro mbu za kotjomuriro. 7 Omundu ma yenene okuzeura ovipuka ngamwa avihe: Ovipuka vyokuti, nozonḓera na imbi mbi kokozoka pehi, nozohi. 8 Nungwari indi eraka kape nomundu ngu ma sora okurizeura; oro ouvi porwe mbu ha tjaerwa, nu re ura nouzuwo ouzepe. 9 Na indi eraka tu tanga Muhona na Tate yetu, nu wina na ro tu senga ovakwetu mba utwa kosaneno ya Ndjambi. 10 Ozondaya nozosengiro vi pitira motjinyo tjingetjo. Vakwetu, otjiṋa tji tja sana ngwi ngaa tji tjiwa! 11 Oruharwi karu pupisire omeva omawa nomeva omaruru monḓizira tjingeyo. 12 Vakwetu vandje, omukuyumbwa kau eta ozoṋinga, nomuvite kau eta omakuyu. Noruharwi rwotjongwa karu pupisa omeva omawa!
Ounongo mbu za ku Ndjambi
13 Mu nomundu omunaunongo nomunazondunge mokati keṋu are? Eye nge vi raise notjikaro tje otjiwa novitjitwa vye vyomerisusuparisiro novyounongo. 14 Nungwari momitima vyeṋu tji mu neruru nonyaho nozombata, amu rihivire ounongo weṋu, orondu tjinga amu hi nokuhungira ouatjiri. 15 Ounongo otja imbwi kau zu kOmbanda, nungwari owo owouye nowovandu nowozombepo ozohakohoke. 16 Pu pe neruru nozombata wina pe nomazunganeno nouvi ngamwa auhe. 17 Nungwari ounongo mbu za kOmbanda owo rutengatenga oukohoke, nu wina owo ounahange noukozu nu u nondjiririsa; owo we ura nounyaṋutima, nu u twako ovihape oviwa. Owo kau tjiti ombangu nu kau notjavivi. 18 Otjihape tjousemba tji za mozondwi nḓa, ovanahange nḓu ve kuna mohange.
