Okutja okuhepa ku Ndjambi kousemba we
Komuimburise otja ku Mutlaben. Epsalme ra David.
1 Ami me ku tanga, Muhona,
nomutima wandje auhe;
nu me serekarere ovihimise vyoye avihe.
2 Me nyanda nu me yoroka move,
nu me imburire ena roye,
Ndjambi Omunamasaaehe.
3 Ovanavita na ami tji ve ku munu, tji moya;
mave yaruka ombunda, nave u nokukoka.
4 Oove omusemba nomuṱakame
mozombanguriro zoye,
notjiposa tjandje ove we tji pangura osemba.
5 Ove wa pangura ovanavisenginina,
noyandeke ovanauvi;
owo kamaave kazemburukwa rukwao.
6 Ovanavita na eṱe va yandekwa nga aruhe;
Ove wa nyona ovihuro vyawo,
nowo kamaave kazemburukwa oparukaze.
7 Nungwari Muhona eye ombara nga aruhe,
notjihavero tje tjouhona we tji ṱunina ombanguriro.
8 Eye u honaparera ouye nousemba,
nu u pangura omihoko nouatjiri.
9 Muhona eye omaundiro wovatatumisiwa;
eye oruveze rondjamo moruveze rwoumba.
10 Imba mbu mave ku tjiwa,
Muhona, mave riyameka kove,
orondu ove ko isa imba mbe ku paha.
11 Imbureye nu tangeye Muhona,
ngu honapara mOsion!
Zuvariseye oviungura vye
kotjiwaṋa ngamwa atjihe!
12 Ndjambi u zemburuka imba mbe tatumisiwa;
eye ka zembi ko ondjuriro yovasyona;
nu u vera imba mbe ve tatumisa.
13 Ndji tjariparera, Muhona!
Tara kozombamisiro ovendjitonde mu ve ndji twa!
Ndji yama konḓiro, Muhona,
14 kutja mbi serekarerere ovature va Jerusalem
nu mbi ve raere imbi avihe mbi mbi ku tangera.
Ami me yoroka mena rokutja ove we ndji yama.
15 Ovanavisenginina va wira moruhoro ndu va sa oveni;
nowo va kamburwa mombate, ndji va yara oveni.
16 Muhona otje ritjiukisa omuini
mozombanguriro ze ozosemba,
novanauvi va patwa i ozondjito zawo oveni.
17 Otjovakoke otji tji ri onganda yovanauvi,
noyaimba avehe mbe he rizemburuka na Ndjambi.
18 Tjiri, ovasyona kave nokuzembwa ko aruhe;
nomaundjiro wovanandjenda
kaye nokuyandekwa ko nga aruhe.
19 Sekama, Muhona, kutja
omundu e he ku yamburura!
Eta ovanavisenginina komurungu woye
nu u ve pangurire komurungu woye.
20 Ve tjita kutja ve kare nondira, Muhona,
nu ve tjita kutja ve tjiwe kutja owo ovandu uriri.
Okutja okuhepa ku Ndjambi kousemba we
Komuimburise otja ku Mutlaben. Epsalme ra David.
1 Ami me ku tanga, Muhona,
nomutima wandje auhe;
nu me serekarere ovihimise vyoye avihe.
2 Me nyanda nu me yoroka move,
nu me imburire ena roye,
Ndjambi Omunamasaaehe.
3 Ovanavita na ami tji ve ku munu, tji moya;
mave yaruka ombunda, nave u nokukoka.
4 Oove omusemba nomuṱakame
mozombanguriro zoye,
notjiposa tjandje ove we tji pangura osemba.
5 Ove wa pangura ovanavisenginina,
noyandeke ovanauvi;
owo kamaave kazemburukwa rukwao.
6 Ovanavita na eṱe va yandekwa nga aruhe;
Ove wa nyona ovihuro vyawo,
nowo kamaave kazemburukwa oparukaze.
7 Nungwari Muhona eye ombara nga aruhe,
notjihavero tje tjouhona we tji ṱunina ombanguriro.
8 Eye u honaparera ouye nousemba,
nu u pangura omihoko nouatjiri.
9 Muhona eye omaundiro wovatatumisiwa;
eye oruveze rondjamo moruveze rwoumba.
10 Imba mbu mave ku tjiwa,
Muhona, mave riyameka kove,
orondu ove ko isa imba mbe ku paha.
11 Imbureye nu tangeye Muhona,
ngu honapara mOsion!
Zuvariseye oviungura vye
kotjiwaṋa ngamwa atjihe!
12 Ndjambi u zemburuka imba mbe tatumisiwa;
eye ka zembi ko ondjuriro yovasyona;
nu u vera imba mbe ve tatumisa.
13 Ndji tjariparera, Muhona!
Tara kozombamisiro ovendjitonde mu ve ndji twa!
Ndji yama konḓiro, Muhona,
14 kutja mbi serekarerere ovature va Jerusalem
nu mbi ve raere imbi avihe mbi mbi ku tangera.
Ami me yoroka mena rokutja ove we ndji yama.
15 Ovanavisenginina va wira moruhoro ndu va sa oveni;
nowo va kamburwa mombate, ndji va yara oveni.
16 Muhona otje ritjiukisa omuini
mozombanguriro ze ozosemba,
novanauvi va patwa i ozondjito zawo oveni.
17 Otjovakoke otji tji ri onganda yovanauvi,
noyaimba avehe mbe he rizemburuka na Ndjambi.
18 Tjiri, ovasyona kave nokuzembwa ko aruhe;
nomaundjiro wovanandjenda
kaye nokuyandekwa ko nga aruhe.
19 Sekama, Muhona, kutja
omundu e he ku yamburura!
Eta ovanavisenginina komurungu woye
nu u ve pangurire komurungu woye.
20 Ve tjita kutja ve kare nondira, Muhona,
nu ve tjita kutja ve tjiwe kutja owo ovandu uriri.
