Ovamoab kave nomaundjiro
1 Okuza kotjihuro Sela, mokuti onguza, Ovamoab mave hindi ondjona otja otjiyandjewa ku ingwi ngu honapara mOjerusalem. 2 Owo mave undjire pomakondero wonḓonḓu Arnon, amave ryanga otusango tjimuna ozonḓera nḓa rambwa moviruwo vyazo.
3 Owo mave tja nai kOvajuda: “Tu raereye imbi mbi matu sokutjita! Tu tjizikizeye otja omuti mbu eta omuzire omutarazu moupyu womutenya, nu mu tu ese tu suve momuzire weṋu! Oweṱe ovataure; tu horekeye poṋa omundu pe hi nokutumuna. 4 Tu eseye tu kare mehi reṋu; nu rireye omaundiro wetu kovetunyone.”
Omaṋiṋikiziro nomayandekero maye yanda, nu imba mbu mave tombo ehi nozombaze mave i. 5 Ondekurona imwe ya David mai rire ombara, noyo mai honaparere otjiwaṋa nouṱakame norusuvero. Oyo mai hakahana okutjita imbi mbi ri ovisemba, nu ai kondjere ousemba kutja u tjitwe.
6 Ovajuda mave tja nai: “Eṱe twa zuva kutja Ovamoab ve ritongamisa tjinene. Matu tjiwa kutja owo ovirangaranga nu ve novineya, nungwari omerihiviro wawo omungandjo uriri.”
7 Ovamoab mave riri mena roviwonga, mbi va munu. Avehe mave riri, tji mave zemburuka ovikurya oviwa mbyaa ve ri motjihuro Kir-Heres. Owo mave kondjisirwa komerihahiziro. 8 Ozohambo popezu na Hesbon, novikunino vyomivite vya Sibma vya nyonwa, okutja ovyo mbi ovikunino vyomandjembere womavinu mbya purukisa ovanane vomihoko. Otjikando tjimwe omivite mbi vya tandavarere nga kotjihuro Jaser na komukuma wokomuhuka mokuti onguza, na komukuma wokongurova nga munda mbwina yOmuronga wOmongwa. 9 Nambano ami me ririre omivite vya Sibma otja punga ame ririre Jaser. Ami me ningenisa Hesbon na Eleale nomahoze wandje, tjinga mu vyo amu hi nomanikorero ngu maye yorokisa ovandu. 10 Kape nomundu nambano ngu nenyando movikunino ovihapise. Kape na umwe ngu ma ravaere nondjoroka poo ngu ma imburire movikunino vyomivite. Kape na ngu ma kama omandjembere okuungura omavinu; omaravaerero wenyando ya yanda. 11 Ami opu me tjemene Moab nondjenda, nopu me ṱire Kir-Heres oruhoze. 12 Ovamoab ve rimana okuyenda kovisenginina vyawo vyokozondunda na koruveze rwawo romerikotameneno okukakumba; nungwari okutjita nao oko omungandjo uriri.
13 Indji ondji ri ombuze Muhona ndja yandjerere ohunga na Moab rukuru. 14 Nambano Muhona ma tja nai: “Moure wozombura ndatu, katjotjiri, ouvara wa Moab ounene mau zengi. Movandu vatjo ovengi mamu hupu tjiva uriri, nowo mave ngundipara.”
Ovamoab kave nomaundjiro
1 Okuza kotjihuro Sela, mokuti onguza, Ovamoab mave hindi ondjona otja otjiyandjewa ku ingwi ngu honapara mOjerusalem. 2 Owo mave undjire pomakondero wonḓonḓu Arnon, amave ryanga otusango tjimuna ozonḓera nḓa rambwa moviruwo vyazo.
3 Owo mave tja nai kOvajuda: “Tu raereye imbi mbi matu sokutjita! Tu tjizikizeye otja omuti mbu eta omuzire omutarazu moupyu womutenya, nu mu tu ese tu suve momuzire weṋu! Oweṱe ovataure; tu horekeye poṋa omundu pe hi nokutumuna. 4 Tu eseye tu kare mehi reṋu; nu rireye omaundiro wetu kovetunyone.”
Omaṋiṋikiziro nomayandekero maye yanda, nu imba mbu mave tombo ehi nozombaze mave i. 5 Ondekurona imwe ya David mai rire ombara, noyo mai honaparere otjiwaṋa nouṱakame norusuvero. Oyo mai hakahana okutjita imbi mbi ri ovisemba, nu ai kondjere ousemba kutja u tjitwe.
6 Ovajuda mave tja nai: “Eṱe twa zuva kutja Ovamoab ve ritongamisa tjinene. Matu tjiwa kutja owo ovirangaranga nu ve novineya, nungwari omerihiviro wawo omungandjo uriri.”
7 Ovamoab mave riri mena roviwonga, mbi va munu. Avehe mave riri, tji mave zemburuka ovikurya oviwa mbyaa ve ri motjihuro Kir-Heres. Owo mave kondjisirwa komerihahiziro. 8 Ozohambo popezu na Hesbon, novikunino vyomivite vya Sibma vya nyonwa, okutja ovyo mbi ovikunino vyomandjembere womavinu mbya purukisa ovanane vomihoko. Otjikando tjimwe omivite mbi vya tandavarere nga kotjihuro Jaser na komukuma wokomuhuka mokuti onguza, na komukuma wokongurova nga munda mbwina yOmuronga wOmongwa. 9 Nambano ami me ririre omivite vya Sibma otja punga ame ririre Jaser. Ami me ningenisa Hesbon na Eleale nomahoze wandje, tjinga mu vyo amu hi nomanikorero ngu maye yorokisa ovandu. 10 Kape nomundu nambano ngu nenyando movikunino ovihapise. Kape na umwe ngu ma ravaere nondjoroka poo ngu ma imburire movikunino vyomivite. Kape na ngu ma kama omandjembere okuungura omavinu; omaravaerero wenyando ya yanda. 11 Ami opu me tjemene Moab nondjenda, nopu me ṱire Kir-Heres oruhoze. 12 Ovamoab ve rimana okuyenda kovisenginina vyawo vyokozondunda na koruveze rwawo romerikotameneno okukakumba; nungwari okutjita nao oko omungandjo uriri.
13 Indji ondji ri ombuze Muhona ndja yandjerere ohunga na Moab rukuru. 14 Nambano Muhona ma tja nai: “Moure wozombura ndatu, katjotjiri, ouvara wa Moab ounene mau zengi. Movandu vatjo ovengi mamu hupu tjiva uriri, nowo mave ngundipara.”
