Omawe omurongo na yevari wotjizemburukiro
1 Otjiwaṋa atjihe tji tja za nokukonda Jordan, Muhona arire tja tja ku Josua: 2 “Toorora ovarumendu omurongo na vevari, omurumendu umwe momuhoko auhe peke, 3 u ve raere kutja ngave toore omawe omurongo na yevari mokati ka Jordan, poṋa tjingepo pu pa kuramene ovapristeri, nokutja ve keyetwe poṋa pu mamu katona ozondanda ongurova.”
4 Josua wa isana ovarumendu omurongo na vevari eye mba toorora, 5 ne ve raere ama tja: “Pundeye mokati konḓonḓu Jordan, komurungu wOtjipwikiro tjOmerikutiropamwe wa Muhona, Ndjambi weṋu. Auhe weṋu nga toore ewe kotjiṱuve tje, rimwe otja komuhoko auhe peke wa Israel. 6 Omawe nga maye zemburukisa otjiwaṋa imbi Muhona mbya tjita. Kombunda ovanatje veṋu tji mave kemupura kutja omawe nga maye hee tjike, 7 eṋe mamu ve raere kutja omeva wa Jordan ya isa okupupa, Otjipwikiro tjOmerikutiropamwe wa Muhona tjaa tji kondo onḓonḓu. Omawe nga aruhe maye rire otjizemburukiro kOvaisrael.”
8 Ovarumendu va tjita otja Josua pe ve raera. Owo va toora omawe omurongo na yevari mokati ka Jordan, ewe rimwe komuhoko auhe peke wa Israel, Muhona punga a rakiza ku Josua; nu ve ye twara kotjikuturiro nave keyetwa mbo. 9 Josua wina wa zika omawe omurongo na yevari mokati ka Jordan poṋa pu pa kuramene ovapristeri, mba tjindire Otjipwikiro tjOmerikutiropamwe; omawe nga opunga aye ri nga ku ndinondi. 10 Ovapristeri va kurama mokati ka Jordan, nga oviungura avihe tji vya yenenisiwa, Muhona mbya rakiza ku Josua kutja a raere kotjiwaṋa, avihe otja Moses pa raere ku Josua.
Novandu arire tji va hakahana okukonda onḓonḓu. 11 Nu avehe tji va za nokukonda, Otjipwikiro tjOmerikutiropamwe wa Muhona novapristeri wina otji va konda, otjiwaṋa ngunda ama tji tarere. 12 Ovarumendu vomuhoko wa Ruben nowa Gad, novorumbembera romuhoko wa Manasse, va konda komurungu wovandu avehe ave rirongerera ovita otja Moses pe ve raerere. 13 Muhona ngunda ama tarere, ovarumendu mangara omayovi omirongo vine mbe rirongerera ovita va konda munda mbwina korutjandja rwa Jeriko. 14 Meyuva ndo Muhona wa tjita Josua a rire omutjiukwa tjinene mOvaisrael avehe; nowo ve mu yozika otja tji va yozikire Moses ngunda a ri nomuinyo.
15 Muhona wa raera ku Josua a tja: 16 “Rakiza kovapristeri mbu mave tjindi Otjipwikiro tjOmerikutiropamwe ve pite mOjordan.” 17 Nu Josua wa tjita nao. 18 Ovapristeri tji va pita nave kakurama mehi ekukutu, onḓonḓu otji ya uta okupupa nai tanana ovikere rukwao.
19 Ovandu va konda Jordan meyuva oritjamurongo romueze omutenga nave katona ozondanda mOgilgal, komuhuka wa Jeriko. 20 Imbo Josua opa zika omawe nga omurongo na yevari ngu va eterera okuza konḓonḓu Jordan. 21 Neye wa tja nai kOvaisrael: “Ovanatje tji mave kapura kooihe kombunda kutja omawe nga maye hee tjike, 22 eṋe otji mamu ve hongo kutja Ovaisrael va kondere onḓonḓu ndji Jordan mehi nda kaha. 23 Muhona, Ndjambi weṋu, we mu kahisira onḓonḓu Jordan, nga tji mwa konda otja tja kahisire Omuronga wOtuu, nga eṱe tji twa kondere. 24 Komuhingo mbwi oviwaṋa avihe kombanda yehi otji mavi tjiwa ouvara wa Muhona, neṋe otji mamu yozike Muhona, Ndjambi weṋu, nga aruhe.”
Omawe omurongo na yevari wotjizemburukiro
1 Otjiwaṋa atjihe tji tja za nokukonda Jordan, Muhona arire tja tja ku Josua: 2 “Toorora ovarumendu omurongo na vevari, omurumendu umwe momuhoko auhe peke, 3 u ve raere kutja ngave toore omawe omurongo na yevari mokati ka Jordan, poṋa tjingepo pu pa kuramene ovapristeri, nokutja ve keyetwe poṋa pu mamu katona ozondanda ongurova.”
4 Josua wa isana ovarumendu omurongo na vevari eye mba toorora, 5 ne ve raere ama tja: “Pundeye mokati konḓonḓu Jordan, komurungu wOtjipwikiro tjOmerikutiropamwe wa Muhona, Ndjambi weṋu. Auhe weṋu nga toore ewe kotjiṱuve tje, rimwe otja komuhoko auhe peke wa Israel. 6 Omawe nga maye zemburukisa otjiwaṋa imbi Muhona mbya tjita. Kombunda ovanatje veṋu tji mave kemupura kutja omawe nga maye hee tjike, 7 eṋe mamu ve raere kutja omeva wa Jordan ya isa okupupa, Otjipwikiro tjOmerikutiropamwe wa Muhona tjaa tji kondo onḓonḓu. Omawe nga aruhe maye rire otjizemburukiro kOvaisrael.”
8 Ovarumendu va tjita otja Josua pe ve raera. Owo va toora omawe omurongo na yevari mokati ka Jordan, ewe rimwe komuhoko auhe peke wa Israel, Muhona punga a rakiza ku Josua; nu ve ye twara kotjikuturiro nave keyetwa mbo. 9 Josua wina wa zika omawe omurongo na yevari mokati ka Jordan poṋa pu pa kuramene ovapristeri, mba tjindire Otjipwikiro tjOmerikutiropamwe; omawe nga opunga aye ri nga ku ndinondi. 10 Ovapristeri va kurama mokati ka Jordan, nga oviungura avihe tji vya yenenisiwa, Muhona mbya rakiza ku Josua kutja a raere kotjiwaṋa, avihe otja Moses pa raere ku Josua.
Novandu arire tji va hakahana okukonda onḓonḓu. 11 Nu avehe tji va za nokukonda, Otjipwikiro tjOmerikutiropamwe wa Muhona novapristeri wina otji va konda, otjiwaṋa ngunda ama tji tarere. 12 Ovarumendu vomuhoko wa Ruben nowa Gad, novorumbembera romuhoko wa Manasse, va konda komurungu wovandu avehe ave rirongerera ovita otja Moses pe ve raerere. 13 Muhona ngunda ama tarere, ovarumendu mangara omayovi omirongo vine mbe rirongerera ovita va konda munda mbwina korutjandja rwa Jeriko. 14 Meyuva ndo Muhona wa tjita Josua a rire omutjiukwa tjinene mOvaisrael avehe; nowo ve mu yozika otja tji va yozikire Moses ngunda a ri nomuinyo.
15 Muhona wa raera ku Josua a tja: 16 “Rakiza kovapristeri mbu mave tjindi Otjipwikiro tjOmerikutiropamwe ve pite mOjordan.” 17 Nu Josua wa tjita nao. 18 Ovapristeri tji va pita nave kakurama mehi ekukutu, onḓonḓu otji ya uta okupupa nai tanana ovikere rukwao.
19 Ovandu va konda Jordan meyuva oritjamurongo romueze omutenga nave katona ozondanda mOgilgal, komuhuka wa Jeriko. 20 Imbo Josua opa zika omawe nga omurongo na yevari ngu va eterera okuza konḓonḓu Jordan. 21 Neye wa tja nai kOvaisrael: “Ovanatje tji mave kapura kooihe kombunda kutja omawe nga maye hee tjike, 22 eṋe otji mamu ve hongo kutja Ovaisrael va kondere onḓonḓu ndji Jordan mehi nda kaha. 23 Muhona, Ndjambi weṋu, we mu kahisira onḓonḓu Jordan, nga tji mwa konda otja tja kahisire Omuronga wOtuu, nga eṱe tji twa kondere. 24 Komuhingo mbwi oviwaṋa avihe kombanda yehi otji mavi tjiwa ouvara wa Muhona, neṋe otji mamu yozike Muhona, Ndjambi weṋu, nga aruhe.”
