Ndjambi eye omupangure
Komuimburise. Epsalme ra Asaf: Eimburiro.
1 Matu ku hivirike, Ndjambi, matu ku hivirike!
Matu zuvarisa ounene woye,
nu matu serekarere ovihimise mbi wa tjita.
2 Ndjambi ma tja nai:
“Ami mba twa po oruveze rwombanguriro,
nu me pangura nokuhinandoorora.
3 Ehi puna ovature varo avehe
nandi ra nyinganyinga,
ami me zikamisa ozongunḓe zaro.
4 Ami me raere ovirangaranga kutja
ave ha kara nozongukutusengo,
novanauvi ave he ri tongamisa;
5 mbe ve raera kutja ngave ise
okuritongamisa nourangaranga.”
6 Ombanguriro kai zu komuhuka poo kongurova,
nu kai zu komukuma wokeyuva
kokunene poo komukuma wokeyuva kokumuho;
7 nungwari Ndjambi eye onguri omupangure,
eye u yarura umwe kehi,
na yerurura omukwao kombanda.
8 Muhona u ṱiza otjinwino meke re
tji tji urisiwa nomavinu omazeu
womazenge we.
Eye u tirira omavinu nga okuza mu tjo,
novanauvi avehe ve ye nwa
nga tji va nyenḓurura.
9 Nungwari ami himee isa okuzuvarisa
Ndjambi wa Jakob,
poo oku mu imburire omatangero nga aruhe.
10 Eye ma teya omasa wovanauvi,
nungwari omasa wovasemba
me ye takavarisire ko.
Ndjambi eye omupangure
Komuimburise. Epsalme ra Asaf: Eimburiro.
1 Matu ku hivirike, Ndjambi, matu ku hivirike!
Matu zuvarisa ounene woye,
nu matu serekarere ovihimise mbi wa tjita.
2 Ndjambi ma tja nai:
“Ami mba twa po oruveze rwombanguriro,
nu me pangura nokuhinandoorora.
3 Ehi puna ovature varo avehe
nandi ra nyinganyinga,
ami me zikamisa ozongunḓe zaro.
4 Ami me raere ovirangaranga kutja
ave ha kara nozongukutusengo,
novanauvi ave he ri tongamisa;
5 mbe ve raera kutja ngave ise
okuritongamisa nourangaranga.”
6 Ombanguriro kai zu komuhuka poo kongurova,
nu kai zu komukuma wokeyuva
kokunene poo komukuma wokeyuva kokumuho;
7 nungwari Ndjambi eye onguri omupangure,
eye u yarura umwe kehi,
na yerurura omukwao kombanda.
8 Muhona u ṱiza otjinwino meke re
tji tji urisiwa nomavinu omazeu
womazenge we.
Eye u tirira omavinu nga okuza mu tjo,
novanauvi avehe ve ye nwa
nga tji va nyenḓurura.
9 Nungwari ami himee isa okuzuvarisa
Ndjambi wa Jakob,
poo oku mu imburire omatangero nga aruhe.
10 Eye ma teya omasa wovanauvi,
nungwari omasa wovasemba
me ye takavarisire ko.
