1 Owee kotjihuro tjovizeze notjizepe!
Otjo tje ura noutumbe mbu huurwa nokupundwa aruhe.
2 Purateneye! Okukwaana kwongora,
nomaporokotero woviryo vyomatemba,
nomatupukiro woukambe,
nomaputarero womatemba wovita!
3 Ovakavire voukambe mave utukire okurwa,
omangaruvyo maye keṋakeṋa,
nomanga maye tjene!
Otutu matu tendekwa kumwe,
oturova tu tu hi notjivaro;
ovandu mave putara mu two!
4 Ninive otjikorondu matji verwa.
Otjo otjiwa, nungwari tje ura nomauanga nge zepa,
otjo tji worera oviwaṋa atji vi isa po ovakarere.
5 Muhona Omunamasaaehe ma tja nai:
“Ami me ku vere, Ninive!
Me ku hukura u kare muzu,
ne tjiti kutja oviwaṋa vi ku mune,
vi ku mune mohoṋi yoye.
6 Ami me ku ṱunu nomanyengu
nu me ku ṱunda nondova.
Ovandu tji mave tara kove mave yaukwa.
7 Avehe mbu mave ku munu mave rihutu.
Owo mave tja: ‘Ninive tja rira otjitambatundu!
Owaṋi ngu notjari na tjo?
Owaṋi ngu ma vanga okutjihuhumiṋa?’ ”
8 Ninive, oove omusemba pOtebes, otjihuro ohongora tja Engipte are? Otjo wina tja ri nonḓonḓu okutjiyama otja otjikere, indji onḓonḓu Nil ondja ri ondjeure yatjo. 9 Otjo tja honaparera Sudan na Engipte, kapa ri omaandero kouvara watjo, Libie re rikuta kumwe na tjo. 10 Nambano ovature va Tebes va huurwa. Kovikoro avihe vyomivanda ovanatje vawo va tonwa okuṱa. Ovarumendu vawo ovanane avehe va twarewa momapando nave kahaṋewa movevehuure.
11 Ninive, ove wina mopurukisiwa, mo kara nokuhinomasa, nu mokondjo okutaura kovanavita na ove. 12 Oviṱunga vyoye avihe mavi sana komikuyu mbi nomakuyu nga hora; omiti mbi tji vya nyinganyingisiwa, omakuyu maye poṋene osemba motjinyo tja ingwi ngu ma vanga okuyerya. 13 Ovarwe voye wovita va sana kovakazendu, nehi kari nomayeuriro kovanavita na ove. Omuriro mau seseta ovipate vyomivero vyoye. 14 Kateke omeva kutja u rirongerere omakoverero; nu zeuparisa oviṱunga vyoye! Yata omunoko okuungura po ozohima! 15 Nandi wa tjita avihe mbi, mo ningiririsiwa nga tji wa koka, nu mo ṱu motjirwa. Ove mo zengisiwa otja ovihape mbya riwa i ozombahu.
Nandarire kutja ove wa takavara otja ozombahu, kape nombatero. 16 Nandi wa eta ovarandise ovengi pozonyose keyuru, owo mave i tjimuna ozombahu nde nyaturura ovivava vyazo naze tuka! 17 Ovahongore voye ve ri otja ehapu rozombahu nḓe haama kotumbo meyuva rombepera. Nungwari omutenya tji wa tu, ozo ze tuka, nu kape na ngu ma tjiwa kutja ozo za i pi.
18 Mbara ya Asirie, ozongooneya zoye va ṱa, novaingona voye va rara nga aruhe! Otjiwaṋa tjoye tja pizukira kozondundu, nu kape na ngu me tji kotora konganda. 19 Kape nondjamo komihihamo vyoye, novirwaro vyoye kavi nokuveruka. Avehe mbu mave zuu ombuze yomawiro woye, mave tono omake nenyando. Pe nomundu ngamwa ngwa taurira ourunde woye mbu hi nondjandero are?
1 Owee kotjihuro tjovizeze notjizepe!
Otjo tje ura noutumbe mbu huurwa nokupundwa aruhe.
2 Purateneye! Okukwaana kwongora,
nomaporokotero woviryo vyomatemba,
nomatupukiro woukambe,
nomaputarero womatemba wovita!
3 Ovakavire voukambe mave utukire okurwa,
omangaruvyo maye keṋakeṋa,
nomanga maye tjene!
Otutu matu tendekwa kumwe,
oturova tu tu hi notjivaro;
ovandu mave putara mu two!
4 Ninive otjikorondu matji verwa.
Otjo otjiwa, nungwari tje ura nomauanga nge zepa,
otjo tji worera oviwaṋa atji vi isa po ovakarere.
5 Muhona Omunamasaaehe ma tja nai:
“Ami me ku vere, Ninive!
Me ku hukura u kare muzu,
ne tjiti kutja oviwaṋa vi ku mune,
vi ku mune mohoṋi yoye.
6 Ami me ku ṱunu nomanyengu
nu me ku ṱunda nondova.
Ovandu tji mave tara kove mave yaukwa.
7 Avehe mbu mave ku munu mave rihutu.
Owo mave tja: ‘Ninive tja rira otjitambatundu!
Owaṋi ngu notjari na tjo?
Owaṋi ngu ma vanga okutjihuhumiṋa?’ ”
8 Ninive, oove omusemba pOtebes, otjihuro ohongora tja Engipte are? Otjo wina tja ri nonḓonḓu okutjiyama otja otjikere, indji onḓonḓu Nil ondja ri ondjeure yatjo. 9 Otjo tja honaparera Sudan na Engipte, kapa ri omaandero kouvara watjo, Libie re rikuta kumwe na tjo. 10 Nambano ovature va Tebes va huurwa. Kovikoro avihe vyomivanda ovanatje vawo va tonwa okuṱa. Ovarumendu vawo ovanane avehe va twarewa momapando nave kahaṋewa movevehuure.
11 Ninive, ove wina mopurukisiwa, mo kara nokuhinomasa, nu mokondjo okutaura kovanavita na ove. 12 Oviṱunga vyoye avihe mavi sana komikuyu mbi nomakuyu nga hora; omiti mbi tji vya nyinganyingisiwa, omakuyu maye poṋene osemba motjinyo tja ingwi ngu ma vanga okuyerya. 13 Ovarwe voye wovita va sana kovakazendu, nehi kari nomayeuriro kovanavita na ove. Omuriro mau seseta ovipate vyomivero vyoye. 14 Kateke omeva kutja u rirongerere omakoverero; nu zeuparisa oviṱunga vyoye! Yata omunoko okuungura po ozohima! 15 Nandi wa tjita avihe mbi, mo ningiririsiwa nga tji wa koka, nu mo ṱu motjirwa. Ove mo zengisiwa otja ovihape mbya riwa i ozombahu.
Nandarire kutja ove wa takavara otja ozombahu, kape nombatero. 16 Nandi wa eta ovarandise ovengi pozonyose keyuru, owo mave i tjimuna ozombahu nde nyaturura ovivava vyazo naze tuka! 17 Ovahongore voye ve ri otja ehapu rozombahu nḓe haama kotumbo meyuva rombepera. Nungwari omutenya tji wa tu, ozo ze tuka, nu kape na ngu ma tjiwa kutja ozo za i pi.
18 Mbara ya Asirie, ozongooneya zoye va ṱa, novaingona voye va rara nga aruhe! Otjiwaṋa tjoye tja pizukira kozondundu, nu kape na ngu me tji kotora konganda. 19 Kape nondjamo komihihamo vyoye, novirwaro vyoye kavi nokuveruka. Avehe mbu mave zuu ombuze yomawiro woye, mave tono omake nenyando. Pe nomundu ngamwa ngwa taurira ourunde woye mbu hi nondjandero are?
