Kurusan ǃoa hâ ǂgaikhâis Eloba nî koase
1 Koa re ǃKhūba!
Koa re ǃKhūba ǀhomma xu;
koa bi re ǀgapi ǃkhaidi ǃnâ.
2 Koa bi re ǁîb ǀhomǃgādu hoado;
koa bi re ǀhomsi ǂnubidu hoado.
3 Koa bi re sores tsî ǁkhâb tsîro;
koa bi re hoaraga ǃnâ ra ǀgamirodo.
4 Koa bi re hoan xa ǀgapi ǀhomgo
tsî ǁgammi ǀhommi ǂamǃnâ hâb hoaba.
5 An ǃKhūb di ǀonsa koa!
ǁÎb mîmās ain ge kuruhe xuige.
6 ǁÎb mîmās ain ge ǁîn ǃkhaidi ǃnâ ǀamose ge ǁapoǁapohe;
ǁîb ge ǁaposa ǂnûiǂgās, ǃûǂamhe ǁoasa ge mā.
7 ǃHūbaiba xu ǃKhūba koa re
huriǀgurudu tsî ǃgamgo hoago;
8 ǀaes tsî ǃnareb, tsamaros tsî tsantos tsîdu,
tsî ǁgaoǂoab, ǁîb mîmāsa ra dīǀoaǀoab hâdo.
9 Hoaraga ǃhomgu tsî ǃnâugu
ǂûhain tsî sederhaiso;
10 xamarin, ǀgurun tsî ǀgoan,
ǂhanaben tsî ǁkhana ra anin.
11 ǃHūbaib gao-aogu tsî hoaraga ǃhaodi,
gaosan tsî ǃhūbaib ǂgaeǂgui-aodu hoado;
12 ǂkham khoegu tsî ǂkham khoeso;
kaikhoedu tsî ǀgôadu hoado.
13 ǁÎn ge ǃKhūb ǀonsa nî koa;
ǁîb ǀons ǀguis a ǀgapi xui-ao.
ǂKhaisib âb ge ǃhūbaib ai tsî ǀhommi ǃnâ hâ.
14 ǁÎb ge ǁaes âba ge ǀgaiǀgai
ǁîb saoǃgonaon nî ǁîba koase,
Israelǁaes, ǁîb ǀgūse hâsa.
Koa re ǃKhūba!
1 Praise ye the LORD. Praise ye the LORD from the heavens: praise him in the heights.
2 Praise ye him, all his angels: praise ye him, all his hosts.
3 Praise ye him, sun and moon: praise him, all ye stars of light.
4 Praise him, ye heavens of heavens, and ye waters that be above the heavens.
5 Let them praise the name of the LORD: for he commanded, and they were created.
6 He hath also stablished them for ever and ever: he hath made a decree which shall not pass.
7 Praise the LORD from the earth, ye dragons, and all deeps:
8 Fire, and hail; snow, and vapour; stormy wind fulfilling his word:
9 Mountains, and all hills; fruitful trees, and all cedars:
10 Beasts, and all cattle; creeping things, and flying fowl:
11 Kings of the earth, and all people; princes, and all judges of the earth:
12 Both young men, and maidens; old men, and children:
13 Let them praise the name of the LORD: for his name alone is excellent; his glory is above the earth and heaven.
14 He also exalteth the horn of his people, the praise of all his saints; even of the children of Israel, a people near unto him. Praise ye the LORD.
