Jefta nOvaefraim
1 Ovaefraim va woronganisirwa pamwe okukarwa; owo va konda onḓonḓu Jordan ave i kOsafon nave katja nai ku Jefta: “Okutjavi tji wa karwa nOvaamoni nokuhinokutuisana okuyenda puna ove? Eṱe matu ku nyosire mondjuwo yoye.”
2 Nungwari Jefta wa tja nai ku wo: “Ami novandu vandje twa ri notjiposa otjinene kuna Ovaamoni. Mba kwa ombatero ku eṋe, nungwari eṋe kamu ere okundjiyama ku wo. 3 Nami tji mba muna kutja eṋe kamu nokuya okundjiyama, otji mbe ritwa moumba wokurwisa Ovaamoni; nu Muhona we ndji pa outoṋi kombanda yawo. Nambano eṋe mwe ya okundjirwisira tjike?” 4 Jefta wa woronganisa Ovagilead okukarwisa Ovaefraim; neye we ve havera. Ovaefraim ave tja: “Eṋe, Vagilead, mbu mu kara mokati komuhoko wa Efraim nowa Manasse, oweṋe ovandu ovataure mbu mwa zire kehi ra Efraim.” 5 Nu Ovagilead va tjaerera Ovaefraim pomakondero wa Jordan. Nu ngamwa Omuefraim auhe omuture tja tja: “Ndji esa mbi konde,” Ovagilead otjaave mu pura ave tja: “Oove Omuefraim?” Neye tja ziri a tja: “Kako,” 6 owo otjaave mu raere kutja a tje “Skibolet.” Neye aa tja: “Sibolet,” tjinga aa ha sora okutamuna nawa, otjaave mu kambura nave mu zepere mbo pomakondero wonḓonḓu Jordan. Moruveze ndo mwa ṱa Ovaefraim omayovi omirongo vine na yevari.
7 Nu Jefta wa ri omunane mOisrael oure wozombura hamboumwe. Neye wa koka na pakwa motjihuro tje omuini mOgilead.
Ovapangure ooIbsan na Elon na Abdon
8 Kombunda ya Jefta, Ibsan ngwa zire kObetlehem wa rira omunane mOisrael. 9 Eye wa ri novazandu omirongo vitatu. Novakazona ve omirongo vitatu wa kupisa kwarwe; novasuko omirongo vitatu, mba kapaha kwarwe, wa eta kovazandu ve okurira ovakazendu vawo. Ibsan wa ri omunane mOisrael oure wozombura hambombari. 10 Neye wa koka na pakwa mObetlehem.
11 Kombunda ya Ibsan, Elon ngwa zire kOsebulon wa rira omunane mOisrael oure wozombura omurongo. 12 Nu Elon, Omusebulon, wa koka na pakwa mOajalon mehi ra Sebulon.
13 Kombunda ya Elon, Abdon, omuzandu wa Hilel, ngwa zire kOpiraton wa rira omunane mOisrael. 14 Eye wa ri novazandu omirongo vine, novazandu vovazandu omirongo vitatu, mbaa ve kavire kousino omirongo hambombari. Abdon wa ri omunane mOisrael oure wozombura hambondatu. 15 Nu Abdon, omuzandu wa Hilel, wa koka na pakwa mOpiraton mehi ra Efraim, mehi rozondundu rOvaamalek.
1 And the men of Ephraim gathered themselves together, and went northward, and said unto Jephthah, Wherefore passedst thou over to fight against the children of Ammon, and didst not call us to go with thee? we will burn thine house upon thee with fire. 2 And Jephthah said unto them, I and my people were at great strife with the children of Ammon; and when I called you, ye delivered me not out of their hands. 3 And when I saw that ye delivered me not, I put my life in my hands, and passed over against the children of Ammon, and the LORD delivered them into my hand: wherefore then are ye come up unto me this day, to fight against me? 4 Then Jephthah gathered together all the men of Gilead, and fought with Ephraim: and the men of Gilead smote Ephraim, because they said, Ye Gileadites are fugitives of Ephraim among the Ephraimites, and among the Manassites. 5 And the Gileadites took the passages of Jordan before the Ephraimites: and it was so , that when those Ephraimites which were escaped said, Let me go over; that the men of Gilead said unto him, Art thou an Ephraimite? If he said, Nay; 6 Then said they unto him, Say now Shibboleth: and he said Sibboleth: for he could not frame to pronounce it right. Then they took him, and slew him at the passages of Jordan: and there fell at that time of the Ephraimites forty and two thousand. 7 And Jephthah judged Israel six years. Then died Jephthah the Gileadite, and was buried in one of the cities of Gilead.
8 ¶ And after him Ibzan of Beth-lehem judged Israel. 9 And he had thirty sons, and thirty daughters, whom he sent abroad, and took in thirty daughters from abroad for his sons. And he judged Israel seven years. 10 Then died Ibzan, and was buried at Beth-lehem.
11 ¶ And after him Elon, a Zebulonite, judged Israel; and he judged Israel ten years. 12 And Elon the Zebulonite died, and was buried in Aijalon in the country of Zebulun.
13 ¶ And after him Abdon the son of Hillel, a Pirathonite, judged Israel. 14 And he had forty sons and thirty nephews, that rode on threescore and ten ass colts: and he judged Israel eight years. 15 And Abdon the son of Hillel the Pirathonite died, and was buried in Pirathon in the land of Ephraim, in the mount of the Amalekites.
