Ohombo yomuxunganeki tai faneke okukala kwOvaisraeli meliteeko
1 Ndele Omwene okwa lombwela nge ta ti: “Inda vali u ka hole omwalikadi e holike komulumenhu waye, ndele ou ta teya ohombo, ngaashi Omwene e hole yo ovana vaIsrael, ndele vo otava pungulukile koikalunga imwe, ndele ve hole oikuki yeeviinyu.”
2 Opo ame nde mu lilandela neesekeli omulongo nanhano doshisiliveli neekilograma efele neelita omafele atatu nomilongo nhatu doilya. 3 Ndele ame onde mu lombwela handi ti: “Oove u nokukalela nge efimbo lile. Ino kala ho nangala naavo, ndele ino ya kovalumenhu vamwe. Nosho yo ame handi ku kalele.” 4 Osheshi ovana vaIsrael otava ka kala efimbo lile, vehe nohamba, vehe nomukulunhu, vehe netomenoyambo, vehe nongudi yemanya, vehe noshikutu shelongelokalunga novehe noikalunga yomomaumbo. 5 Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.
© Oshikwanyama Bible Revised © Bible Society of Namibia, 2008, 2012.
