Eilikano neimbilopandulo moudjuu
Eimbilo laDavid, la pewa enyakwa lolwiimbo oku li imba mongovela yeimbilo eli: ‘Ino nyonauna po’, lefimbo eshi a shuukile Saul, ndee ta hondama mekololo lomhunda.
1 Kalunga, file nge onghenda, file nge onghenda,
osheshi kwoove omwenyo wange otau kongo ekwafo,
ndele momudidimbe womavava oye
onda hala okukonga eameno
fiyo ehanauno la pita po.
2 Ohandi ifana Kalunga ou wOkombadambada
Kalunga ou ta fikifa oshinima shange.
3 Oye ta tumine nge ekwafo, tali di keulu,
ota lengaifa ou e uditile nge onya. Sela
Kalunga ota tumu ouwanghenda noshili yaye.
4 Omwenyo wange otau nangala
mokati keenghoshi
nomokati kovatondi ve yadi outondwe,
nomokati kaava ve nomayoo a fa omaonga noikuti,
nomalaka avo a fa omikonda da twa.
5 Kalunga, litumba kombada yomaulu,
efimano loye kombada yedu alishe.
6 Eemhadi dange ove di tela eendjadja,
ova polimanifa omwenyo wange.
Ekelo, ove li fa komesho yange,
ndele voovene tava wile mo. Sela
7 Omutima wange u nouladi, Kalunga,
omutima wange ou nouladi;
onda hala okwiimba nokushika.
8 Penduka, omwenyo wange!
Pendukeni okaxumbafeta nonyalilo!
Onda hala okupendula etendo leluwa.
9 Omwene, onda hala oku ku tanga mokati koiwana,
onda hala ndi ku imbile mokati kovapaani.
10 Osheshi ouwanghenda woye tau lundu eulu,
noudiinini woye otau fiki fiyo okoilemo.
11 Kalunga, litumba kombada yomaulu,
nefimano loye kombada yedu alishe.
© Oshikwanyama Bible Revised © Bible Society of Namibia, 2008, 2012.
