Ounyengwingone wovatondadi vaSion
Eimbilo lomolweendo lokuya kouyapuki.
1 Israel osho na tye:
“Nghee nda dja kounona wange, ova fininika nge nai,
2 nghee nda dja kounona wange, ova fininika nge nai,
ndele inava finda nge nande.
3 Kombuda yange ovalimi ova lima ko,
ndele va pala oimhungu ile.”
4 Ndelenee Omwene omuyuki
Oye a tetaula omiya dovalunde.
5 Aveshe ava tava tondo Sion,
nava fifwe ohoni, vo va shunifwe shanimanima.
6 Nava ningwe ngaashi omwiidi
wa mena kombada yonduda,
ou tau kukuta, fimbo inau kola,
7 oo, omukashuli ita yadifa eke nao,
nomumangi womikuto otau xulunguta
momaoko aye,
8 naava tava ende po, itava ti nande:
“Epuniko laKalunga nali uye kombada yeni.
Fye ohatu mu nangeke noupuna medina lOmwene.”
© Oshikwanyama Bible Revised © Bible Society of Namibia, 2008, 2012.
