Eimbilo lomondjila
Eimbilo lomolweendo lokuya kouyapuki.
1 Omesho ange ohandi a yelulile keemhunda.
Ekwafo mbela otali dile nge peni?
2 Ekwafo lange otali di kOmwene,
ou omushiti weulu nedu.
3 Ye ita efa omhadi yoye, i fenungute;
omwaameni woye iha kofa.
4 Tala, Omufita ou waIsrael iha kumuka,
Ye iha fi eemhofi.
5 Omwene Oye omwaameni woye,
Omwene Oye omudile woye wokolulyo loye,
6 etango opo lihe ku twile omutenya,
ile ohani oufiku.
7 Omwene ohe ku amene kowii aushe,
oha amene omwenyo woye.
8 Omwene ota amene epito loye neuyemo loye
okudja nena fiyo alushe.
© Oshikwanyama Bible Revised © Bible Society of Namibia, 2008, 2012.
