Okwiindililwa kwohamba
Eimbilo laDavid, la pewa enyakwa lolwiimbo oku li shika mokaxumbafeta.
1 Kalunga, uda okwiingida kwange,
Ove didilika eilikano lange!
2 Moulikule wange kexulilo ledu ohandi ku ifana,
omutima wange eshi owa lololwa;
twale nge kemanya lile,
ame mwene nda nyengwa okulonda ko.
3 Osheshi Ove wa kala nale ehondamo lange,
nohote yange ya pama koshipala shomutondi wange.
4 Itavele nge ndi kale alushe metwali loye,
ndi hondame meameno lomavava oye. Sela
5 Osheshi, Kalunga, Ove wa uda omaudaneko ange,
wa pa nge efyuululo laava tava tila edina loye.
6 Wedela ko ohamba omafiku komafiku,
nomido dayo di ninge dihapu okepupi fiyo okepupi.
7 Epangelo layo li kale alushe koshipala shaKalunga;
i pa ouwanghenda noudiinini,
u ninge eameno layo.
8 Osho nda hala okwiimbila edina loye
omahambelelo alushe fiyo alushe,
ndi wanife omaudaneko ange efiku nefiku.
© Oshikwanyama Bible Revised © Bible Society of Namibia, 2008, 2012.
