Ehambelelondjimbo lyomuhupithwa
1 Ondi hole Omuwa,
oshoka ohu uvu eigidho negalikano lyandje.
2 Okwa uvu ndje, onkee otandi mu ithana aluhe,
manga ndi na omwenyo.
3 Iiponga yeso oya kondeke ndje,
nuumbanda wokuusi owa kwata ndje.
Onda gwilililwa po kuudhigu nokoluhodhi.
4 Ihe ondi ithana Omuwa nda ti:
“Omuwa, hupitha ndje!”
5 Omuwa oye omunamutimahenda nomuyuuki;
Kalunga ketu oye omunalukeno.
6 Omuwa ota popile omapongo;
sho nda li muudhigu, okwa hupitha ndje.
7 Omwenyo gwandje, fudha ihe,
oshoka Omuwa okwe ku ningile uuwanawa.
8 Omuwa okwa hupitha ndje meso,
okwa keelele ndje moluhodhi
nokwa gamene ndje, ndaa punduke.
9 Otandi vulu ihe okweenda koshipala shOmuwa moshilongo shaanamwenyo.
10 Ngame ondi itaala,
nando ote popi e te ti:
“Onda monithwa iihuna.”
11 Muumbanda wandje onda ti:
“Aantu ayehe oyo aafundja.”
12 Omuwa otandi mu futu shike
moluuwanawa we auhe e u ningile ndje?
13 Omuwa otandi mu yambele
oshitenga shomaviinu omolwehupitho
notandi ithana edhina lye.
14 Omauvaneko gandje otandi ga gwanithile Omuwa montaneho yaantu ye ayehe.
15 Kashi shi oshipu momeho gOmuwa
okutala omuntu gwe ta si,
ndele opuwo.
16 Eeno, Omuwa, ngame omuntu gwoye;
ohandi ku longele, ngaashi meme a li.
Ongoye wa hupitha ndje meso.
17 Otandi ku yambele ehambelelo
e tandi ku galikana.
18 Omauvaneko gandje
otandi ga gwanithile Omuwa
montaneho yaantu ye ayehe,
19 omiinyanga yotempeli yOmuwa muJerusalem.
Halleluja!
1 I love the LORD, because he hath heard my voice and my supplications.
2 Because he hath inclined his ear unto me, therefore will I call upon him as long as I live.
3 The sorrows of death compassed me, and the pains of hell gat hold upon me: I found trouble and sorrow.
4 Then called I upon the name of the LORD; O LORD, I beseech thee, deliver my soul.
5 Gracious is the LORD, and righteous; yea, our God is merciful.
6 The LORD preserveth the simple: I was brought low, and he helped me.
7 Return unto thy rest, O my soul; for the LORD hath dealt bountifully with thee.
8 For thou hast delivered my soul from death, mine eyes from tears, and my feet from falling.
9 I will walk before the LORD in the land of the living.
10 I believed, therefore have I spoken: I was greatly afflicted:
11 I said in my haste, All men are liars.
12 What shall I render unto the LORD for all his benefits toward me?
13 I will take the cup of salvation, and call upon the name of the LORD.
14 I will pay my vows unto the LORD now in the presence of all his people.
15 Precious in the sight of the LORD is the death of his saints.
16 O LORD, truly I am thy servant; I am thy servant, and the son of thine handmaid: thou hast loosed my bonds.
17 I will offer to thee the sacrifice of thanksgiving, and will call upon the name of the LORD.
18 I will pay my vows unto the LORD now in the presence of all his people,
19 In the courts of the LORD’s house, in the midst of thee, O Jerusalem. Praise ye the LORD.
